Ukraina vystajała suprać rasijskaj vajennaj ahresii i vyzvalić Danieck i Łuhansk ad terarystaŭ.
Pra heta ŭ parłamiencie zajaviŭ premjer Arsień Jacaniuk, adčytvajučysia za 100 dzion dziejnaści svajho ŭrada.
«Tyja 100 dzion, jakija pieražyła ciapier Ukraina, ja chacieŭ by acharaktaryzavać słovami — my vystajali», — zajaviŭ premjer.
Pavodle jaho słoŭ, Ukraina jašče nikoli nie była ŭ takich składanych umovach, bo «ŭpieršyniu my sutyknulisia ź nieprychavanaj rasijskaj vajennaj ahresijaj».
«Rasija anieksavała ŭkrainskuju terytoryju AR Krym. Nie spyniŭšysia na Krymie, jany sprabujuć pajści dalej. Usio, što adbyvałasia ŭ Daniecku i Łuhansku źjaŭlajecca rasijskaj vajennaj interviencyjaj», - zajaviŭ Jacaniuk.
Jon ličyć, što ŭkraincy prademanstravali mudraść, vybraŭšy prezidenta ŭžo ŭ pieršym tury, niahledziačy na rasijskuju ahresiju.
«Va ŭkraincaŭ mohuć uźniknuć pytańni, jak dalej pracavać ŭkrainskaj uładzie. Ja jak kiraŭnik urada zajaŭlaju: prezident, parłamient i Kabmin buduć dziejničać jak adzinaje cełaje», - zapeŭniŭ Jacaniuk.
Jon ličyć, što kali ukraincy zachavajuć svajo adzinstva, to ŭ ich atrymajecca pieramahčy ŭ hetaj vajnie.
«Ukraina pazbavicca terarystaŭ, i my vyzvalim Danieck i Łuhansk ad tych, chto robić zamach na ich budučyniu. Teraryzm i bandytyzm, jaki finansujecca Rasijaj, budzie źniščany», - zapeŭniŭ premjer.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary