Prezident Rasii Uładzimir Pucin nie vyklučaje, što Vałhahradu moža być viernuta nazva Stalinhrad, pieradaje ITAR-TASS.
Z takoj prośbaj da kiraŭnika rasijskaj dziaržavy źviarnuŭsia adzin z rasijskich vieteranaŭ Druhoj suśvietnaj vajny.
«U adpaviednaści z našym zakonam, heta sprava subjekta Fiederacyi i municypaliteta», — adkazaŭ prezident Rasii. «U dadzienym vypadku, žychary pavinny pravieści refierendum, vyznačycca», — udakładniŭ Pucin.
«Jak žychary skažuć, tak i zrobim», — skazaŭ prezident ŭ francuzskim Dovili, dzie prachodziać uračystyja mierapryjemstvy, pryśviečanyja 70-hodździu vysadki zachodnich sajuźnikaŭ u Narmandyi.
Na prapanovu kiraŭnika dziaržavy vieterany skazali, što «tudy pajedziem, dapamožam».
«Kali łaska»,— pahadziŭsia Pucin. Jon nahadaŭ, što «ŭ Paryžy jość płošča Stalinhrad», hetu nazvu pamiatajuć i ŭ inšych haradach Jeŭropy. «Heta nie ja admianiaŭ», — adznačyŭ prezident ab pierajmienavańni horada ŭ Vałhahrad.
Pry hetym jon dadaŭ nakont praviadzieńnia refierendumu: «Padumajem, jak heta možna zrabić».
Ciapier čytajuć
Valfovič pra ataku dronam aŭtobusa ź dziećmi ŭ Branskaj vobłaści: Meta była sutyknuć Biełaruś z Ukrainaj18
Kamientary