Rasija choča praduchilić niehatyŭny dla siabie scenar demakratyzacyi Ukrainy, što ŭ Maskvie ličać pahrozaj dla isnavańnia ciapierašniaj sistemy ŭłady RF.
Pra heta padčas forumu va Vrocłavie Wroclaw Global Forum zajaviŭ ministr zamiežnych spraŭ Polščy Radasłaŭ Sikorski.
«Pucin ličyć heta (demakratyzacyju Ukrainy) pahrozaj dla asnoŭ svajoj ułady ŭ Rasii. Kali Ukraina stanie jeŭrapiejskaj i budzie mieć kankurentnuju ekanomiku, to heta budzie niebiaśpiečny precedent dla samich rasiejcaŭ, pakolki jany tady mohuć pryznać, što hetaja sistema źjaŭlajecca lepšaj za tuju, u jakoj jany žyvuć, — padkreśliŭ Sikorski.
Pavodle jaho słoŭ, padziei va Ukrainie «zaviaršajuć peŭnuju epochu».
«Prezident Pucin ŭsprymaje Zachad jak bok, jaki choča zabrać častku terytoryi Rasii. Adnak my staim na abaronnych pazicyjach, abaraniajem mižnarodnaje prava i nieparušnaść miežaŭ», — padkreśliŭ kiraŭnik polskaj dypłamatyi.
Polski ministr zaŭvažyŭ, što ŭ niekatorych jeŭrapiejskich krainach isnuje pamyłkovaje bačańnie adnosna mahčymaści pierakanańnia prezidenta RF Pucina ŭ karyści dla Rasii ad asacyjacyi Kijeva z Brusielem.
«Na maju dumku, Rasija vystupaje suprać Pahadnieńnia ab asacyjacyi nie tamu, što nie razumieje jaho, a naadvarot, što vielmi dobra jaho razumieje. Pucin viedaje, što paśla jaho padpisańnia Ukraina zamiest taho, kab być častkaj rasijskaha prava, stanie častkaj jeŭrapiejskaha prava», — padkreśliŭ kiraŭnik MZS RP.
Pa jaho pierakanańni, Pucin prymusiŭ krainy Zachadu vybirać: ci jany chočuć bačyć va Ukrainie jeŭrapiejskuju demakratyju abo aliharchičnuju madel nakštałt Rasii.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej9
Kamientary