U Hrodnie 8 červienia pjany vadziciel, jaki nie mieŭ prava kiravańnia, pry zatrymańni sprabavaŭ skončyć žyćcio samazabojstvam.
Jak paviedamili va ŭpraŭleńni DAI UUS Hrodzienskaha abłvykankama, utrymańnie ałkaholu ŭ arhaniźmie mužčyny bolš čym u siem razoŭ pieravysiła miežava dapuščalnaje. Dva miesiacy tamu za anałahičnaje parušeńnie jon byŭ pazbaŭleny prava kiravańnia i atrymaŭ štraf.
«Kali staŭ razumieć, što čakaje za čarhovy ŭčynak (kryminalnaja adkaznaść i kanfiskacyja aŭtamabila), jon zrabiŭ (abo zymitavaŭ) sprobu suicydu, — havorycca ŭ paviedamleńni abłasnoj Dziaržaŭtainśpiekcyi.
— Na prośbu pakazać dakumienty adreahavaŭ vielmi svojeasabliva. Paciahnuŭsia pa ich, vyciahnuŭ z-pad siadzieńnia ścizoryk i tknuŭ sabie ŭ vobłaść serca.
Supracoŭnik DAI paśpieŭ zreahavać i vybiŭ vostry pradmiet z ruk, tamu rana na hrudziach atrymałasia niesurjoznaj (ukoł niehłyboki, parez niaznačny)».
Zatrymany adpraŭleny ŭ abłasny kliničny centr «Psichijatryja-narkałohija».
Kamientary