Vyśvietlilisia žorstkija padrabiaznaści zabojstva Taćciany Słonimskaj

Siońnia ŭ Minskim abłasnym sudzie pačaŭsia razhlad spravy ab zabojstvie minčanki Taćciany Słonimskaj, jakaja źnikła 3 lipienia 2013 h.: Jaŭhien Kulik i Łotyš

Siońnia pačaŭsia dopyt Jaŭhiena Kulika, mienavita jaho vinavaciać u zabojstvie žančyny.

Sam jon sa šmatdzietnaj siamji, u jakoj było čaćviora dziaciej, Jaŭhien byŭ małodšym.

Jon raskazaŭ, što škołu prapuskaŭ, vučyŭsia drenna, ale ŭ 2010 h. atrymaŭ atestat. Jašče padčas navučańnia ŭ škole byŭ asudžany za kradziož, paśla skančeńnia škoły — jašče za adzin. Praŭda, usie prysudy byli z adterminoŭkaj.

Paśla skančeńnia škoły Kulik pradavaŭ mašyny na aŭtarynku. Zatym pierabraŭsia ŭ Maskvu. pracavaŭ u aŭtasałonie miechanikam, potym viarnuŭsia ŭ Biełaruś i pačaŭ vazić u Maskvu padroblenyja i pustyja błanki kupli-prodažy aŭto. Tut jon kuplaŭ ich pa 100 dalaraŭ za štuku, a tam pierapradavaŭ pa 700 dalaraŭ, zajmaŭsia hetym da lipienia 2013 h. (času zabojstva).

Prakuror śćviardžaje, što abodva abvinavačanyja abrabavali skład i ŭ lesie kala v. Pryleśsie zrabili schovanku, i kali 3 lipienia pryjechali ŭ schovanku, kab padzialić narabavanaje, tam była Słonimskaja, jana źbirała jahady,

Kulik i Łotyš źjechali, viarnulisia. Słonimskaja praciahvała źbirać jahady.

Kulik prapanavaŭ zabić Słonimskuju, a mašynu zabrać. Łotyš viała pačaŭ admaŭlacca, Kulik skazaŭ, što usio zrobić sam, a Łotyš budzie «na šuchiery». Jon dačakaŭsia, kali Taćciana padyšła da mašyny, padbieh da jaje, i stuknuŭ nažom u šyju, jana pačała vyryvacca, i jon zrabiŭ nie mienš za 13 udaraŭ.

Cieła pakłali ŭ bahažnik, pieravieźli pad viosku Dvarec, dzie zakapali. Kulik sieŭ u Mazdu, a Łotyš jechaŭ za im na «ZAZie». 

Unačy Kulik pahnaŭ mašynu ŭ Maskvu, pierad hetym źmianiŭšy numary, pradaŭ jaje pa padroblenych dakumientach. Kali viarnuŭsia ŭ Minsk, zapłaciŭ Łotyšu 100 dalaraŭ za dapamohu.

Vinu svaju Kulik pryznaje całkam.

«Pryznaju siabie vinavatym całkam, pa ŭsich punktach abvinavačvańnia», — zajaviŭ jon, ale zaznačyŭ, što nie pryznaje pradjaŭlenyja Łotyšu. Łotyš vinu pryznaje častkova, ale admaŭlaje saŭdzieł u zabojstvie. «Dapamoha była, ale pry inšych abstavinach», — śćviardžaje jon.

ich taksama vinavaciać pa šerahu artykułaŭ, u tym liku i pa abvinavačvańniach u kradziažach.

***

Sprava nabyła rezanansny charaktar. Žančyna pajechała 3 lipienia 2013 h. na svaim aŭtamabili «Mazda-3» pa jahady ŭ Minski rajon, ale nie viarnułasia damoŭ.

Śledčyja schilisia da viersii z zabojstvam. 17 lipienia byli zatrymanyja dva chłopcy, a na nastupny dzień u lesie kala vioski Dvarec znajšli cieła minčanki. Ekśpierty naličyli nie mienš za 14 udaraŭ nažom.

U Maskvie rasijskija pravaachoŭniki znajšli aŭtamabil Słonimskaj: jaho pradali zabojcy pa padroblenych dakumientach.

Zatrymanyja — nieadnarazova sudzimyja maładyja ludzi, 1992 i 1994 hadoŭ naradžeńnia.

«Śledstvam taksama byli vyjaŭleny i inšyja supraćpraŭnyja dziejańni padazravanych. Asnoŭnaje abvinavačańnie im pradjaŭlena ŭ ździajśnieńni zabojstva pry abciažvajučych abstavinach, ździajśnieńni razbojnaha napadu i sieryi kradziažoŭ, a taksama kradziažy i źniščeńni dakumientaŭ, vykarystańni padroblenych dakumientaŭ», — adznačyli ŭ Śledčym kamitecie Biełarusi.

Padazravanyja byli pryznanyja ekśpiertami adekvatnymi, a zabojstva nie było spłanavanym.

• 0
• 0
• 0
• 0
• 0
• 0
• 0
• 0