Nacyjanalny bank Biełarusi zaćvierdziŭ terminy pierachodu na mikrapracesarnyja kartki. Heta praduhledžana pastanovaj praŭleńnia hałoŭnaha banka krainy № 343 ad 26 maja «Ab pytańniach biaśpieki abaračeńnia bankaŭskich płaciežnych kartak i funkcyjanavańnia abjektaŭ prahramna-techničnaj infrastruktury».
Zhodna z dakumientam, biełaruskija banki z 1 lipienia 2015 hoda pačnuć vypuskać u abaračeńnie bankaŭskija płaciežnyja kartki płaciežnaj sistemy «Biełkart», jakija vykarystoŭvajucca na terytoryi Biełarusi i za jaje miežami, a taksama bankaŭskija płaciežnyja kartki mižnarodnych płaciežnych sistem Visa i MasterCard z mahnitnaj pałasoj i mikrapracesaram standartu EMV abo mikrapracesaram standartu EMV.
Z nazvanaj daty pryjom takich čypavych kart pavinien być zabiaśpiečany va ŭsich płaciežnych terminałach, što znoŭ ŭstanaŭlivajucca, u arhanizacyjach handlu i servisu.
Z 1 studzienia 2017 hoda patrabavańnie budzie raspaŭsiudžvacca i na kartki płaciežnaj sistemy «Biełkart», jakija vykarystoŭvajucca tolki ŭnutry krainy. Jany taksama pavinny być asnaščany mahnitnaj pałasoj i mikrapracesaram standartu EMV abo mikrapracesaram standartu EMV. Z 1 studzienia 2017 hoda čypavyja karty pavinny prymać va ŭsich płaciežnych terminałach u arhanizacyjach handlu i servisu i bankamatach.
Z 1 studzienia 2022 hoda nie dapuskajecca vykarystańnie na terytoryi Biełarusi bankaŭskich płaciežnych kartak bieź mikrapracesara standartu EMV, emitavanych bankami krainy.
Raniej namieśnik staršyni praŭleńnia Nacbanka Siarhiej Dubkoŭ paviedamiŭ, čym tłumačycca taki doŭhi termin. «Pamianiać standarty, pryniać adpaviednaje rašeńnie — heta, napeŭna, samaje prostaje dziejańnie. Hałoŭnaje, kab była hatova infrastruktura, prahramnyja rašeńni i karystalniki», — adznačaŭ pradstaŭnik Nacbanka.
«Hety ruch charakterny dla ŭsich krain, dzie aktyŭna vykarystoŭvajucca bankaŭskija płaciežnyja kartki. Heta źviazana z tym, što čypavyja karty źjaŭlajucca najbolš abaronienymi», — padkreślivaŭ Dubkoŭ, źviartajučy ŭvahu, što ŭ Rasii finansavyja ŭłady pajšli na jašče bolš žorstkija miery ŭ častcy admovy ad vykarystańnia kartak z mahnitnaj pałasoj.
Kamientary