Pradstaŭnik ABSIE zaklikaje biełaruskija ŭłady admianić patrabavańni akredytacyi dla žurnalistaŭ
Pradstaŭnik ABSIE pa pytańniach svabody ŚMI Dunia Mijatavič vykazvaje zaniepakojenaść u suviazi z pavieličeńniem kolkaści štrafaŭ, jakija nakładajucca na biełaruskich žurnalistaŭ u apošnija miesiacy za pracu biez akredytacyi.
«Ja zaniepakojena, tamu što takaja praktyka moža efiektyŭna zabaraniać žurnalistam ažyćciaŭlać svaju pracu», — cytujecca Mijatavič u paviedamleńni, raźmieščanym 17 červienia na sajcie ABSIE.
U paviedamleńni pryvodzicca infarmacyja pra rašeńnie suda Kastryčnickaha rajona Hrodna, u adpaviednaści ź jakim 16 červienia niezaležny žurnalist Andrej Mialeška byŭ aštrafavany na 4,5 młn. biełaruskich rubloŭ za pracu biez akredytacyi.
Akramia taho, paviedamlajecca pra štrafy ŭ dačynieńni da žurnalistaŭ Alesia Zaleŭskaha i Alaksandra Dzianisava, a taksama pra papiaredžańni, vydadzienyja Śviatłanie Ściapanavaj, Jaŭhienu Skrabcu, Julii Siviec, Mikałaju Biańko i Juryju Dziašuku.
«Akredytacyja nie pavinna być licenzijaj na dziejnaść, a jaje adsutnaść nie pavinna abmiažoŭvać žurnalistaŭ u zdolnaści pracavać i svabodna vykazvać svajo mierkavańnie, — skazała Mijatavič. — Usie žurnalisty pavinny mieć tyja ž prafiesijnyja pravy, što i žurnalisty, jakija pracujuć u zarehistravanych ŚMI, u tym liku pravy na pošuk i raspaŭsiudžvańnie infarmacyi».
Mijatavič taksama adznačyła, što 5 červienia jana napisała ministru zamiežnych spraŭ Biełarusi Uładzimiru Makieju pra nieabchodnaść refarmavańnia patrabavańniaŭ da akredytacyi pradstaŭnikoŭ srodkaŭ masavaj infarmacyi.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary