Vialikabrytanija i Kitaj padpisali pahadnieńni na sumu bolš čym 14 młrd funtaŭ ($24 młrd) padčas vizitaŭ premjera Dziaržsavieta Kitaja Li Keciana ŭ brytanskuju stalicu, paviedamlaje ITAR-TASS.
Brytanskaja naftahazavaja kampanija VR padpisała kantrakt ab doŭhaterminovych pastaŭkach u Kitaj zvadkavanaha hazu z radoviščaŭ u roznych rajonach śvietu. Pahadnieńnie raźličana na 20 hadoŭ. Košt hazu, jaki budzie pastaŭlacca za hety pieryjad składzie $20 młrd.
Brytana-hałandskaja naftahazavaja kampanija Royal Dutch-Shell padpisała pahadnieńnie ab stratehičnym supracoŭnictvie z «Kitajskaj nacyjanalnaj šelfavaj naftavaj karparacyjaj». Hetyja kampanii ciapier užo raspracoŭvajuć sumiesnyja prajekty pa zdabyčy hazu na šelfie Paŭdniova-Kitajskaha mora, a taksama pa zdabyčy słancavaha hazu ŭ KNR.
Łondanskaja fondavaja birža padpisała damoŭlenaść z dvuma viadučymi bankami Kitaja ab praviadzieńni ŭ Łondanie tarhoŭ kitajskimi juaniami. Budaŭničy bank Kitaja aficyjna paviedamiŭ pra stvareńnie na asnovie svajho łondanskaha filijała pieršaha za miežami KNR klirynhavaha centra pa apieracyjach u nacyjanalnaj valucie KNR.
Dziaržaŭnaja Kitajskaja bankaŭskaja karparacyja raźvićcia padpisała damoŭlenaść z Kampanijaj City UK, daččynaj strukturaj łondanskaha Sici, jakaja zajmajecca raźvićciom ekspartu brytanskaj haliny finansavych pasłuh.
Padčas vizitaŭ Li Keciana pamiž uradami KNR i Vialikabrytanii byli dasiahnuty dadatkovyja damoŭlenaści ab supracoŭnictvie ŭ halinie atamnaj enierhietyki. Jany raźvivajuć padpisanaje ŭ minułym hodzie papiaredniaje pahadnieńnie ab ŭdzieł kitajskaha kapitału ŭ finansavańni prajekta koštam 16 młrd funtaŭ ($27 młrd) pa budaŭnictvie novaj brytanskaj atamnaj elektrastancyi ŭ Chinkli-Pojnt. Taksama byŭ padpisany miemarandum pa supracoŭnictvie ŭ halinie budaŭnictva čyhunak.
Jak adznačajuć brytanskija ekanamičnyja ahladalniki, aficyjny Łondan i pryvatny biznes zacikaŭlenyja ŭ pryciahnieńni kitajskich inviestycyj dla zabieśpiačeńnia rostu ekanomiki Złučanaha Karaleŭstva.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia29
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary