Ukrainskija vajskoŭcy ŭziali siońnia pad kantrol try nasielenyja punkty, paviedamiŭ žurnalistam padčas bryfinhu ŭ Iziumie Charkaŭskaj vobłaści kamandujučy Nacyjanalnaj hvardyi Ukrainy Ściapan Pałtarak.
Pavodle zajavy kamandujučaha, siońnia, 1 lipienia, niedzie a 5.30 ranicy pačałasia apieracyja pa ŭziaćci pad kantrol bazavaha łahiera i apornaha punkta terarystaŭ u nasielenym punkcie Zakotnaje. Apieracyja pačałasia z artyleryjskaha ŭdaru, u čas jakoha byŭ źniščany aporny punkt. Pałtarak zaŭvažyŭ, što apieracyja skončyłasia a 14-j.
Zaraz siłaviki ŭładkoŭvajuć błokpasty na vakolicach Zakotnaha. Z ukrainskaha boku jość troje paranienych.
Siońnia ŭkrainskija vajskoŭcy ŭziali pad kantrol nasielenyja punkty Stary Karavan i Brusovka.
Padčas apieracyi pa vyzvaleńni hetych nasielenych punktaŭ siarod siłavikoŭ ni zabitych, ni paranienych niama, adznačyŭ Pałtarak. Ciapier tam ŭstaloŭvajucca błokposty.
Kamandujučy Nachvardyi zaŭvažyŭ, što asabovy sastaŭ, jaki udzielničaŭ u hetych apieracyjach, nakiravany ŭ tył dla pryviadzieńnia techniki i zbroi ŭ naležny stan i padrychtoŭki da ŭdziełu ŭ nastupnych apieracyjach.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary