Da 600-ch uhodkaŭ Hłybokaha, jakija buduć adznačacca z 3 pa 5 lipienia, ustalavali jašče adzin pomnik na Alei Słavy, 9-y pa liku. Biustam uhanaravany Juryj Sabaleŭski, prafiesar, zasnavalnik nacyjanalnaj škoły hieatechniki.
Hety pomnik źjaŭlajecca 11-m u horadzie, jaki ŭstalavany za apošnija 3 hady. U minułym hodzie ŭstalavali pomnik hłybockaj višni, a miesiac tamu – baronu Miunchhaŭzienu. Da hetaha pieraliku – nie naležać 3 pomniki Leninu, F. Dziaržynskamu, a taksama skulpturnyja kampazicyi na miescach masavych pachavańniaŭ achviaraŭ Druhoj suśvietnaj vajny, jakija ŭstalavanyja ŭ savieckija časy.
Nahadaju, na Alei Słavy ŭhanaravanyja pomnikami i dziejačy biełaruskaha adradžeńnia kanca XIX — pač.XX st, uradžency Hłyboččyny: Vacłaŭ Łastoŭski, etnohraf, historyk, premjer BNR; Jazep Drazdovič, mastak; Ihnat Bujnicki, zasnavalnik prafiesijnaha biełaruskaha teatru. A na domie pa vuł. Horkaha, 22, ustalavanaja miemaryjalnaja šylda Kłaŭdziju Dušeŭskamu, palityku, aśvietniku i dojlidu, aŭtaru bieł-čyrvona-biełaha ściaha.
Niekatoryja vybitnyja asoby pachodžańniem z Hłybokaha ŭhanaravanyja ŭ horadzie šmatkroć, jak naprykład, Pavieł Suchi, suśvietnaviadomy avijakanstruktar: samalot SU-17 pry ŭjeździe ŭ Hłybokaje, školny muziej imia P. Suchaha, vulica, i biust na Alei Słavy.
Kamientary