Hłybokaje z vyšyni ptušynaha palotu
U dni śviatkavańnia 600-ch uhodkaŭ Hłybokaha, jakoje ładziłasia 3-5 lipienia było mnostva roznych mierapryjemstvaŭ. Achvotnyja, jakich nie było adboju, za prymalny košt u 160 tys. biełaruskich rubloŭ, mahli zrabić zachaplalnaje padarožža vakoł Hłybokaha na viertalocie. Ładziŭ jaho Viciebski aerakłub. Na bort brali 7 čałaviek. To možacie padličyć, kolki aerakłub zarabiŭ za adzin palot, jaki ciahnuŭsia nie bolej za 7 chvilinaŭ.
– Sabiekošt ekspłuatacyi adnoj hadziny viertalota – 1000 dalaraŭ,– patłumačyŭ aŭtaru fotazdymkaŭ pradstaŭnik aerakłuba, jaki arhanizoŭvaŭ pasadku pasažyraŭ. – Asablivaha prybytku za 2 dni znachodžańnia ŭ Hłybokim my nie atrymajem, ale i strataŭ nie budzie, vyjdziem pa nulach.
Ja maju ŭ tečkach niamała zdymkaŭ Hłybokaha ź viertalota roznych hadoŭ. Ale skažu tolki adno – Hłybokaje za apošnija 3-5 hadoŭ źmianiłasia radykalna. Vidavočna, na heta paŭpłyvaŭ 2012 hod, kali pravodziŭsia Dzień biełaruskaha piśmienstva i druku, tady i byli praviedzienyja vializnyja pracy pa dobraŭparadkavańni horadu. Mnostva damoŭ i roznych vytvorčych i administracyjnych budynkaŭ ciapier nakryta roznakalarovaj dachoŭkaŭ, šery šyfier pastupova adychodzić u niabyt. Raniej šyfiernyja dachi źlivalisia ŭ adnu šeruju plamu, što vielmi psavała ahulnaje ŭsprymańnie panaramy horada, jon vyhladaŭ zanadna nieachajnym. Nibyta i nie rajcentr, horad, a zakinutaja vioska…
Ciapier fajna hladzieć na horad z vyšyni, jaki dobraŭparadkavany, dahledžany, atočany mnostvam azioraŭ, škada što ŭ abjektyŭ moža patrapić nie bolej za piać.
Ja doŭha dumaŭ, jaki napisać zahałovak… I ŭspomniŭ Kastusia Akułu, jaho apovieści, tryłohiju «Haravatka»… Jaho piersanažy jeduć na furmancy pa pylnaj darozie z Kruleŭščyny ŭ Hłybokaje. Pierad imi z hary raptam paŭstaje panarama Hłybokaha z chramami i aziorami.
- Piekny horad! Nie? - pytaje adzin u adnaho.
- Piekny!
(Zaŭvaha: jakaść zdymkaŭ zaležyć ad čyścini šybaŭ u sałonie viertalota)
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary