U Zelvienskim rajonie prosta ŭ poli zhareŭ kambajn, paviedamiła pres-sakratar Hrodzienskaha abłasnoha ŭpraŭleńnia MNS Natalla Žyvaleŭskaja.
Paviedamleńnie ab uzharańni techniki pastupiła ratavalnikam 21 lipienia ŭ 19.42. Na poli niedaloka ad vioski Čyrvonaje Siało zahareŭsia kambajn «CLAAS Lexion 580» 2005 hoda vypusku, vytvorčaści Hiermanii. Uzharańnie zaŭvažyŭ miechanizatar ŭ lusterka zadniaha vidu, połymia chutka raspaŭsiudžvałasia na kambajn. Techniku sprabavali patušyć svaimi siłami, ale kali ratavalniki prybyli na miesca, kambajn hareŭ adkrytym połymiem. U vyniku pažaru paškodžany dva koły, kabina, matorny adsiek, častkova bunkier, 300 kh pšanicy ŭ bunkiery kambajna. Ludzi nie paciarpieli.
Viadoma, što ŭ kambajnie znachodziłasia 5 t pšanicy. Jon byŭ abstalavany nieabchodnym supraćpažarnym invientarom, mielisia 4 vahniahaśniki, jomistaść z vadoj. Niepadalok (u 50 m) na poli taksama znachodziłasia bočka z 1,5 tys. ł vady. Usiaho ŭ poli pracavali 4 adzinki techniki.
Pryčyna pažaru vyśviatlajecca.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary