Pra heta paviedamiła hałoŭny sinoptyk Respublikanskaha hidramieteacentra Śviatłana Rybakova.
U piatnicu ŭ zachodnich rajonach Biełarusi čakajucca apadki ŭ vyhladzie daždžu i mokraha śniehu, zachavajecca hałalod, na darohach — hałalodzica, unačy miescami — mocnyja apadki. Tempieratura nočču — ad 0 da minus 6 hradusaŭ, pa ŭschodzie pry prajaśnieńniach budzie da 9 hradusaŭ marozu. Tempieratura pavietra dniom składzie ad minus 3 da +3 hradusaŭ.
U vychadnyja dni (22—23 listapada) na terytoryi krainy zachavajecca chałodnaje nadvorje z tempieraturami pavietra ŭnačy ad 1 da 7 hradusaŭ marozu, pa ŭschodzie pry prajaśnieńniach čakajecca da minus 9 hradusaŭ. Dniom budzie ad minus 3 da +2 hradusaŭ.
U subotu ŭ zachodnich i centralnych rajonach, a ŭ niadzielu miescami pa krainie čakajecca śnieh, skazała hałoŭny sinoptyk. — Asobnyja ŭčastki daroh buduć ślizkimi.
U pačatku nastupnaha tydnia ŭ Biełarusi čakajecca chałodnaje, pieravažna biez apadkaŭ nadvorje.
Tempieratura pavietra ŭ načnyja hadziny składzie minus 3—10 hradusaŭ, pry prajaśnieńniach pa ŭschodzie krainy — da 12 hradusaŭ sa znakam minus. Dniom čakajecca ad -4 da +2 hradusaŭ.
Kamientary