Žychar vioski Leluki Iviejskaha rajona 1999 naradžeńnia vyjšaŭ z domu ŭviečary 27 listapada i nie viarnuŭsia. Baćki nie zmahli znajści jaho ŭsiu noč, i tolki ranicaj vyjavili cieła chłopčyka ŭ piatli za adrynaj na ŭčastku ŭłasnaha doma. Chłopčyk byŭ vučniam 10 kłasa siaredniaj škoły vioski Leluki Iviejskaha rajona.
Načalnik adździeła Śledčaha kamiteta Uładzimir Paźniak paviedamiŭ, što kryminalnuju spravu pa fakcie śmierci staršakłaśnika nie ŭzbudžali, pravodzicca pravierka, robiacca nieabchodnyja ekśpiertyzy. Papiarednie vyśvietlena, što śmierć chłopca nastupiła ŭ vyniku paviešańnia, prykmiet hvałtoŭnaj śmierci na ciele nie vyjaŭlena. U chłopca nie było vidavočnych prablem abo ciažkaściaŭ ni doma, ni ŭ škole, jon dobra vučyŭsia, byŭ pryzioram alimpijad pa chimii, całkam paśpiachovych dziciem. Jaho siamja taksama charaktaryzujecca jak paśpiachovaja, baćka i maci pracujuć, u siamji jość małodšaje dzicia.
Matyvy ŭčynku chłopca vyśviatlajucca.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary