«Vieža Miru» Bahdanoviča pierakładzienaja na ispanskuju movu i vyjdzie ŭ Madrydzie ŭ 2015 hodzie
Kazka «Vieža Miru» Maksima Bahdanoviča pierakładzienaja na ispanskuju movu i vyjdzie ŭ śviet ŭ 2015 hodzie, paviedamlaje pres-słužba biełaruskaha pasolstva ŭ Francyi i pa sumiaščalnictvie ŭ Ispanii.
Pierakład kazki zrabiła hramadzianka Biełarusi Anastasija Kuźmienka, jakaja pražyvaje ŭ Madrydzie. Płanujecca, što pierakład tvora Maksima Bahdanoviča budzie vydadzieny u nastupnym hodzie ŭ Madrydzie ŭ adnym ź ispanskich vydaviectvaŭ.
Prezientacyja prajšła padčas mierapryjemstva «Biełaruski viečar u Madrydzie», jakoje było ŭpieršyniu zładžana ŭ ispanskaj stalicy pasolstvam Biełarusi.
Pieršaja častka mierapryjemstva była raźličana na pradstaŭnikoŭ dziełavych kołaŭ, u druhoj — adbyłasia kulturnaja prahrama, arhanizavanaja sumiesna pasolstvam Biełarusi i pradstaŭnikami biełaruskaj dyjaspary, jakaja pražyvaje ŭ Ispanii.
Taksama na viečary adbyłasia prezientacyja pierakładu na ispanskuju movu biełaruskich, ruskich i ŭkrainskich kazak, jakuju zrabiła Hanna Pietruś.
Dzieci pradstaŭnikoŭ biełaruskaj dyjaspary pračytali vieršy na biełaruskaj movie: «Ja – biełarus maleńki!» Mikoły Malaŭki i «Biełarusačka» Alesia Badaka.
Na viečary vystupiŭ biełaruski bajanist Valeryj Źviaževič z tvoram Ihara Łučanka «Moj rodny kut, jak ty mnie miły» i opiernaja śpiavačka Kaciaryna Ancipava.
Najbolš jaskravaj častkaj viečara stała vystupleńnie choru ispancaŭ, jakija vykanali biełaruskija narodnyja pieśni jak na biełaruskaj movie, tak i ŭ pierakładzie na ispanskuju.
Vystupajučy pierad pradstaŭnikami biełaruskaj dyjaspary i dziaržaŭnych ŭstanoŭ Ispanii, pasoł Biełarusi Pavieł Łatuška adznačyŭ aktyvizacyju biełaruska-ispanskaha supracoŭnictva jak u ekanamičnaj, tak i ŭ humanitarnaj śfierach. Jon vykazaŭ asablivuju ŭdziačnaść biełarusam, jakija pražyvajuć u Ispanii, za zachavańnie biełaruskich tradycyj i movy.
Jak paviedamlaje pres-słužba, u El-Eskaryali hetymi dniami taksama prachodzić vystava sučasnaha biełaruskaha mastaka Viktara Alšeŭskaha, na jakoj pradstaŭleny tvory, pryśviečanyja pomnikam historyi i kultury Biełarusi.
U ramkach dypłamatyčnaha pryjomu ad imia pasolstva Biełarusi, na jakim prysutničała bolš za 100 haściej, adbyłasia prezientacyja fotavystavy «Biełaruś pad zorami» Centra sučasnaha mastactva Biełarusi.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ4
Kamientary