NASA zrabiła rekłamnyja postery vandrovak na dalokija płaniety
Łabaratoryja reaktyŭnaha ruchu NASA zahadzia (vielmi zahadzia) padrychtavałasia da naboru pieršych vandroŭnikaŭ na ekzapłaniety. Navukoŭcy pradstavili try postery, što zazyvajuć na płaniety Kepler-16b, HD 40307g i Kepler-186f, pieradaje Vox.
My adkryli kala 1800 płaniet, što abaročvajucca vakoł dalokich zorak. Ale pakul jany zanadta dalokija ad nas: z sučasnymi ziamnymi technałohijami ni spadarožniki, ni tym bolej čałavieka tudy nie adasłać.
«A što, kali?..» — zadalisia pytańniem u NASA. Kali padčas padrychtoŭki palotu čałavieka da dalokich zorak nie chopić času na rekłamnuju kampaniju, voś try ŭžo zroblenyja płakaty ŭ styli «Pabač Amieryku» kanca 30-ch hadoŭ minułaha stahodździa.
Adpačni na Kepler-16b
Marycie źlatać na Tatuin z «Zornych vojnaŭ»? Heta vaš šaniec. Kepler-16b jakraz na arbicie vakoł dvuch zorak! Praŭda, płanieta moža apynucca nie kamianistaj pustelniaj, a hazavym hihantam. A kali ŭsio ž nie, to ŭ vašaha cieniu zaŭsiody budzie kampanija.
Lacieć da jaje 200 śvietłavych hod.
Adčuj hravitacyju HD 40307g
Supierziamla. Nie ŭ sensie, što raj, a ŭ sensie, što vializnaja. Pa masie jak 8 Ziemlaŭ, pa radyjusie jak 0,716 Sonca. Mo navat nie Supierziamla, a mini-Nieptun. Što b tam nie było na pavierchni, ci kamianistyja raŭniny, ci lod, ci tolki haz — hravitacyja tam budzie oho-ho.
Lacieć usiaho 42 śvietłavych hoda.
Kepler-186f — kali trava była čyrvaniejšaja
Pieršaja płanieta ziamnych pamieraŭ, što była znojdzienaja ŭ prydatnaj da žyćcia zonie la inšaj zorki. Tearetyčna, tam moža być vada i ćviordaja pavierchnia. Praŭda, «prydatnaja» jana z asablivaściami. Zamiest našaha Sonca tam budzie čyrvony karlik Kepler-186. I raśliny, kali vyrastuć, buduć chutčej za ŭsio čyrvonymi.
Lacieć tudy 492 śvietłavych hoda.
Usie postery ŭ vysokim razroźnieńni
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku44
Kamientary