U Minsku 20 studzienia adbyŭsia pieršy aŭkcyjon pa prodažy rekłamnych miescaŭ na ścienach u pierachodach stancyj mietro.
Jak paviedamiła na pres-kanfierencyi 21 studzienia načalnik upraŭleńnia handlu i pasłuh Minharvykankama Nina Jemialjanava, było pradadziena 18 miescaŭ dla rekłamy ŭ pierachodzie stancyi «Malinaŭka».
«Raniej takija aŭkcyjony nie pravodzilisia, i na pieršym aŭkcyjonie było atrymana 270 młn. rubloŭ. Ceny padnialisia ŭ 50-60 raz ad pieršapačatkovaj — mienš jak 1 młn. Samy darahi łot — 69 młn. rubloŭ», — skazała Jemialjanava.
Pavodle jaje słoŭ, «cikavaść u pradprymalnikaŭ jość». «My arhanizavali aŭkcyjon tamu, što, kali źviarnulisia pradprymalniki i jurasoby pa arendu takich miescaŭ, byŭ vielmi vialiki popyt — da 10 na adno miesca. Tamu i było pryniataje rašeńnie Minharvykankama ab praviadzieńni aŭkcyjonu. Vystaŭlałasia 23 miescy, pradadziena 18. Praź miesiac my praviadziem jašče adzin aŭkcyjon. Dumajem jašče bolš zarabić hrošaj u biudžet Minska», — adznačyła načalnik upraŭleńnia.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary