Adpaviednyja staryja taryfy apieratar skasuje.
Mabilny apieratar MTS paviedamiŭ ab uviadzieńni novych internet-taryfaŭ. Padklučycca na ich možna budzie z 20 lutaha.
Taryfy praduhledžvajuć abjadnańnie dzionnaha i načnoha trafiku, padvyšeńnie da maksimalnaj chutkaści mabilnych bieźlimitnych taryfaŭ, a taksama padvyšeńnie chutkaści pa zaviaršeńni «limitu na bieźlimit».
Apieratar tłumačć źmieny ŭ taryfach tym, što staryja taryfy byli zapuščanyja bolš za 4 hady tamu i stracili aktualnaść. U novych taryfaŭ u pryjarytecie vysokija chutkaści i bolšyja abjomy trafiku.
Novyja taryfy «BIT», «SupierBIT» i «Bieźlimit VIP» praduhledžvajuć bieźlimitny dostup u internet. Maksimalnaja chutkaść dastupnaja da dasiahnieńnia limitaŭ u 100, 250 i 1024 Mb adpaviedna pa cenach 63, 120 i 255 tysiač.
Pa dasiahnieńni limitu chutkaść spadzie da 254 Kbit/s.
Z 20 lutaha budzie prypynienaje padklučeńnie na pasłuhi «Bieźlimit», «Bieźlimit 2.0» i «SmartBIT», padpiska na pasłuhi praciahniecca da zaviaršeńnia apłočanaha pieryjadu. Karystalnikam hetych pasłuh budzie prapanavana padklučyć adpaviedna «BIT», «SupierBIT» i «Bieźlimit VIP»
Z 18 lutaha dzionny i načny trafik budzie abjadnany ŭ ahulny pakiet na liniejcy taryfaŭ «Internet».
Sumarny trafik na taryfach «Internet Mini», «Internet Midi» i «Internet Maxi» składzie adpaviedna 4096, 8192 i 12288 Mb pa cenach 61,5, 79,5 i 99,9 tysiač.
Taksama raniejšym karystalnikam pasłuhi «3G Kanekt» stanuć dastupnyja pasłuhi «Inet 2», «Inet 4» i «Inet 6» z sumarnym trafikam 2048, 4096 i 6144 Mb adpaviedna za 60, 78 i 99 tysiač.
Z 18 lutaha stanie niemahčyma padklučyć pasłuhi liniejki «3G Kanejet», a taksama «Mini», «Midi» i «Maxi». Z 1 sakavika akazańnie hetych pasłuh budzie prypyniena. Abanientam budzie prapanavana pierajści na adpaviednyja pasłuhi liniejek «Inet» i «Internet», a taksama «3G Łajt».
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej16
Kamientary