Premjer-ministr Rasii Dźmitryj Miadźviedzieŭ daručyŭ «Hazpromu» sumiesna ź Ministerstvam enierhietyki prapracavać mahčymaść pastaŭki hazu ŭ Danbas u jakaści humanitarnaj dapamohi rehijonu.
Pra heta kiraŭnik rasijskaha ŭrada zajaviŭ na pasiadžeńni kabinieta ministraŭ u čaćvier, 19 lutaha.
«Chacieŭ by, kab Minenierha razam z «Hazpromam» padrychtavała prapanovy ab akazańni humanitarnaj dapamohi ŭ vyhladzie pastavak hazu dla patrebaŭ hetych rehijonaŭ [Danieckaj i Łuhanskaj abłaściej], kali nie buduć pryniatyja dziejańni pa hazazabieśpiačeńni pa zvykłaj schiemie, — patłumačyŭ Miadźviedzieŭ, — ludzi tam nie pavinny zamierznuć».
Kiraŭnik urada taksama rasparadziŭsia dastavić u paciarpiełyja rehijony uschodu Ukrainy ježu i miedykamienty. «Ludzi ŭ cełym šerahu nasielenych punktaŭ haładajuć, uklučajučy Debalcava», — adznačyŭ premjer.
Paśla taho, jak Ukraina spyniła padaču hazu ŭ Danbas pradstaŭniki samaabvieščanaj Danieckaj narodnaj respubliki zajavili pra pierachod na rasijskaje paliva. Pierapadklučeńnie da inšych hazavych mahistralaŭ było ažyćcioŭlena ŭ noč na 19 lutaha.
17 lutaha kampanija «Ukrtranshaz» paviedamiła pra paškodžańnie trubapravoda, jaki išoŭ ad mahistralnaha hazapravoda «Novapskoŭ — Kramatorsk» u Danieckaj vobłaści. Paškodžany ŭčastak pierakryli, piać raźmierkavalnych stancyj zastalisia biez hazazabieśpiačeńnia.
Kamientary