Siomy raz buduć vyznačanyja najlepšyja muzyčnyja albomy Biełarusi.
U pieršaj dekadzie krasavika ekśpierty ź Biełarusi i bližniaha zamiežža abiaruć dla Experty.by lepšyja płytki hoda. Hałoŭnym pryzam aŭtaru Albomu hoda stanie padtrymka kancertu ad «Atłant Telekam», hienieralnaha partniora premii.
Pieramožcy buduć abranyja ŭ naminacyjach:
- Albom hoda
- Najlepšy debiutny albom
- Najlepšy pop-albom
- Najlepšy rok-albom
- Najlepšy folk-albom
- Najlepšy instrumientalny albom
- Najlepšy biełaruskamoŭny albom
Taksama albomy, na jakija byli napisanyja recenzii ekśpiertami partału, pazmahajucca za:
- Pryz štatnych ekśpiertaŭ
- Pryz vialikaha žury
- Pryz zamiežnych ekśpiertaŭ
- Pryz narodnych ekśpiertaŭ
Štatnymi ekśpiertami vystupajuć Źmiecier Bieskaravajny, Siarhiej Budkin, Jahor Cyvilka i Alaksandr Čarnucha. Vialikaje žury budzie składacca z 16 biełaruskich žurnalistaŭ, u skład zamiežnaha žury ŭvajduć pa adnym ekśpiercie ź piaci krain-susiedziaŭ Biełarusi. Narodnymi ekśpiertami stanuć karystalniki partału, jakija addali hołas za prynamsi 15% albomaŭ hoda i nie stavili tolki admoŭnyja adznaki.
U bolšaści naminacyj pieramožcy buduć abranyja hałasavańniem adrazu čatyroch žury — štatnych ekśpiertaŭ, vialikaha žury, zamiežnych i narodnych ekśpiertaŭ.
Aznajomicca z rehłamientam možna tut.
***
U minułym hodzie Experty.by nazvali Albomam hoda «Poślednij albom» Siarhieja Puksta i prajektu Pukstband, najlepšym biełaruskamoŭnym albomam staŭ «Adpuści» hurta BosaeSonca, a zamiežnyja ekśpierty adznačyli «Forever I Am» elektronščyka (((O))).
***
Za 2014 hod najlepšyja adznaki čatyroch štatnych ekśpiertaŭ atrymali albom Tonqixod «Pradmova» i albom Port Mone «Thou» (abodva ŭ siaredniem 9,5 bałaŭ z 10).
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary