Biełaruś u bližejšy čas moža pierajści da siektaralnych ilhot. Ab hetym zajaviŭ pieršy vice-premjer Vasil Maciušeŭski ŭ efiry prahramy «Hałoŭny efir» na telekanale «Biełaruś 1».
Pavodle jaho słoŭ, heta pytańnie ŭžo abmiarkoŭvałasia va ŭradzie. «I jość ahulnaje mierkavańnie, što kolkaść ilhot pavinna źmianšacca. My pavinny pastupova pierachodzić da siektaralnych ilhot - kali my stymulujem nie kankretny subjekt haspadarańnia, a niejkija stratehična važnyja haliny ekanomiki dla respubliki», - skazaŭ Vasil Maciušeŭski.
Jon adznačyŭ, što ŭ stratehii raźvićcia krainy na 2016-2020 hady hetyja pryjarytety ŭžo buduć adnaznačna vyznačany.
Pieršy vice-premjer adkazaŭ taksama na pytańnie ab płanach urada pa dedałaryzacyi biełaruskaj ekanomiki. Jon zhadziŭsia, što biełarusam para pierastać usio mierać u dołarach. «Ale dla kompleksnaj realizacyi hetaj miery treba prajści davoli surjozny šlach, pavysić uzrovień davieru nasielnictva da nacyjanalnaj valuty», — adznačyŭ Vasil Maciušeŭski.
Kamiencirujučy źmianieńni ŭ padatkaabkładańni, jon zapeŭniŭ, što takoje pytańnie, jak čarhovaje pavyšeńnie staŭki padachodnaha padatku, pakul u Biełarusi nie staić. «My pakul možam vyrašać sacyjalnyja prablemy biez pavyšeńnia padachodnaha padatku», — skazaŭ Vasil Maciušeŭski.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary