Ciaham hoda muzyka i mastak Lavon Volski na sajcie kampanii «Budźma biełarusami!» vinšavaŭ nas z kalandarnymi i prafiesijnymi śviatami, mnohija ź jakich dastalisia nam u spadčynu jašče z savieckich časoŭ. I rabiŭ jon heta niezvyčajna, pieraasensoŭvajučy kožnaje śviata z ułaścivym jamu pačućciom humaru. Narešcie 28 paštovak da 28 śviataŭ sabranyja pad adnoj vokładkaj, i kampanija «Budźma!» radaja pradstavić drukavany nabor «Śviaty, jakija zaŭždy z taboj» dla tych, chto hladzić na žyćcio z humaram. Nabory čakajuć svaich pakupnikoŭ na paličkach staličnych kniharniaŭ i internet-kramaŭ!
«Pačynaŭ ja z savieckich śviataŭ — 23 lutaha i 8 sakavika, — kaža Lavon Volski, — A dalej paciahnuŭsia łancuh — milicyjanty, desantniki, budaŭniki, mytniki, rabotniki handlu…»
Paštoŭki atrymalisia viasiołyja i satyryčnyja — kansiervatyŭnuju babulu z Dniom miedycynskaha rabotnika joj nie pavinšuješ. Ale aŭtar upeŭnieny: z dapamohaj naboru možna navat serca dziaŭčyny zavajavać:
«Paštoŭki možna daryć pa prafiesijnaj prykmiecie — vynachodnika i racyjanalizatara ŭšanavać u jahony dzień viasiołaj karcinkaj i praniknionymi słovami. A možna i parušać hety pryncyp! Voś padabajecca tabie dziaŭčyna, i ty chočaš pryciahnuć jaje ŭvahu. Tady možna mietadyčna dasyłać ci prosta tet-a-tet daryć joj paštoŭki: «Vinšuju ciabie z dniom rabotnika sielskaj haspadarki!» — naprykład. Ja dumaju, jana acenić hety kreatyŭny padychod».
Nabyć nabor paštovak «Śviaty, jakija zaŭždy z taboj» i ŭžo siońnia pavinšavać siabroŭ z Dniom abaroncaŭ Ajčyny možna ŭ staličnych kramach:
«Akademkniha» (pr-t Niezaležnaści, 72); kniharnia «łohvinaŬ» (pr-t Niezaležnaści, 37A); «Knižny sałon» (vuł. Kalinina, 5); «Kniharnia piśmieńnika» (vuł. Kazłova, 2); «Viedy» (vuł. K. Marksa, 36); «Śvietač» (pr-t Pieramožcaŭ, 11); «Centralny knižny» (pr-t Niezaležnaści, 19); «Knihi & knižački» (pr-t Niezaležnaści, 14); Knižnaja vystava-kirmaš «Mir knih» (vuł. Janki Kupały, 27); «Eŭryka» (vuł. Kujbyšava, 75).
A taksama ŭ internet-kramach knihi.by i prastora.by.
«Čakać nie treba śviata — jano zaŭždy z taboj!»:)
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary