Dyrektar nacyjanalnaj vyviedki ZŠA Džejms Kłeppier vystupiŭ na pasiadžeńni sienackaha Kamiteta pa ŭzbrojenych siłach z zajavaj ab padrychtoŭcy bajevikami maštabnaha nastupu na Maryupal, paviedamlaje Hołas Amieryki.
«Pavodle našych dadzienych, Pucin nie maje namieru zavajoŭvać ŭsiu Ukrainu. Jon zaraz stvaraje adziny subjekt z dvuch abłaściej va Uschodniaj Ukrainie, jaki maje namier złučyć naziemnym mostam u Krym, a taksama zachapić port Maryupala.
My nie ličym, što napad na Maryupal adbudziecca ŭžo zaŭtra, ale zusim jasna, što paśla Debalcava bajeviki pierahrupoŭvajuć siły dla zachopu Maryupala», — zajaviŭ Kłeppier.
Ale, pa słovach Kłeppiera, u pastaŭkach u Ukrainu śmiarotnaha ŭzbrajeńnia jość peŭnaja pahroza.
«Pastaŭka zbroi Ukrainie vykliča niehatyŭnuju reakcyju rasijskaha naroda, što pavialičyć padtrymku Pucina i raźviaža jamu ruki dla lehalnaj pastaŭki bajavikam bolš mocnaj zbroi, naprykład, viertalotaŭ i samalotaŭ», — skazaŭ kiraŭnik nacraźviedki ZŠA.
Jon adznačyŭ, što na pazicyju Kramla vielmi istotna ŭpłyvaje ekanamičnaja situacyja ŭ krainie, tamu bolš racyjanalna było b razhladać pytańni žorstkaha ŭzmacnieńnia na ekanomiku Rasii, a nie pastavak Ukrainie zbroi.
Nahadajem, raniej Kłeppier adznačaŭ, što ministerstva abarony Rasii farmuje padraździaleńnie, jakoje zmoža zajmacca prapahandaj i škodnymi kampjutarnymi prahramami.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary