Urad Ukrainy nie budzie admianiać śviatkavańnie Dnia Pieramohi 9 maja. Pra heta na bryfinhu zajaviŭ vice-premjer-ministr — ministr kultury Ukrainy Viačasłaŭ Kirylenka.
«Urad nie budzie admianiać 9 maja jak Dzień Pieramohi. U toj ža čas, urad prapanuje da 9 maja taksama naležnym čynam adznačać i dzień 8 maja, jak heta robicca va ŭsioj Jeŭropie… Uračystyja i miemaryjalnyja mierapryjemstvy va Ukrainie buduć adbyvacca i 8, i 9 maja», — padkreśliŭ Kirylenka.
«Padkreślivaju, što nijakich namieraŭ admianiać śviatočny vychadny dzień 9 maja ŭrad Ukrainy nie maje», — zapeŭniŭ Kirylenka.
Raniej hrupa narodnych deputataŭ zarehistravała ŭ Radzie zakonaprajekt adnosna śviatkavańnia 8 maja Dnia pamiaci i prymireńnia. Inicyjatarami zakonaprajekta vystupili Ihar Masijčuk, Julija Cimašenka, Ihar Łucenka, Barys Tarasiuk, Barys Fiłataŭ, Uładzimir Parasiuk, Michaił Haŭryluk dy inš.
Rasijskaja Dziaržduma paśpieła vykazać pratest z hetaj nahody.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ60
Kamientary