Rasija nie zmoža zbudavać zapłanavanyja źniščalniki piataha pakaleńnia praz ekanamičnyja prablemy
Uzbrojenyja siły Rasii nie mohuć sabie dazvolić zamović da 2020 hoda zapłanavanyja 52 najnoŭšyja źniščalniki T-50 PAK FA piataha pakaleńnia, paviedamiła rasijskaja hazieta «Kommiersant» sa spasyłkaj na krynicu ŭ Minabarony Rasii.
Piataje pakaleńnie źniščalnikaŭ, ličać ekśpierty, najpierš charaktaryzujecca minimalnaj radyjołakacyjnaj zaŭvažnaściu samalota, prasunutaj avijonikaj, vysokaj intehravanaściu kampjutarnych sistem.
Dziaržaŭnaja prahrama ŭzbrajeńnia da 2020 hodu praduhledžvała zakupku 24 najnoŭšych źniščalnikaŭ PAK FA (pierśpiektyŭny avijacyjny kompleks frantavoj avijacyi) ŭ 2016—2018 hh. i 28 — u 2019—2020 hh.
Adnak praz ekanamičny kryzis RF zakupić tolki 12 samalotaŭ — adnu eskadryllu.
Uskosna pra toje ž raspavioŭ namieśnik ministra abarony Rasii pa ŭzbrajeńniach Juryj Barysaŭ.
«Pradpryjemstva (avijazavod u Kamsamolsku-na-Amury) hatovaje da sieryjnaj vytvorčaści źniščalnika piataha pakaleńnia ŭžo z 2016 hoda… (Adnak) u novych ekanamičnych umovach pieršapačatkovyja płany mohuć być skarektavanyja», — skazaŭ Barysaŭ.
Rasijskija vučonyja i inžyniery aficyjna pačali raspracoŭku PAK FA ŭ 2002 hoda. Ciapier latajuć šeść pratatypaŭ T-50, uzbrajeńnie na jakich jašče nie vypraboŭvałasia.
Pakul što u śviecie isnuje adziny źniščalnik piataha pakaleńnia, jaki staić na ŭzbrajeńni i ŭžo ŭdzielničaŭ u bajavych dziejańniach, — amerykanski F-22 Raptor. Sieryjnaja vytvorčaść mašyny ciahnułasia z 2001 pa 2011 hod i była spynienaja dziela taho, kab skancentravać vydatki na raspracoŭku i vytvorčaść źniščalnika-bambavika F-35 Lightning II.
Ciapier amierykanskaja avijacyja maje 187 źniščalnikaŭ F-22, jašče bolš za sotniu F-35 prachodziać maštabnyja vyprabavańni ŭ vojsku i vykarystoŭvajucca dla padrychtoŭki piłotaŭ i naziemnaha piersanału.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary