U Minsku pa padazreńni ŭ zabojstvie zatrymany 37-hadovy mužčyna.
Jak paviedamili ŭ HUUS Minharvykankama, u Frunzienskaje RUUS stalicy źviarnułasia dziaŭčyna. Jana raskazała, što znajšła ŭ kvatery pa vulicy Sucharaŭskaj, dzie zdymała pakoj, trup haspadyni.
Na miescy zdareńnia supracoŭniki milicyi znajšli na kuchni trup 53-hadovaj žančyny z paškodžańniami hałavy — adkrytaj čerapna-mazhavoj traŭmaj. U vyniku apytańnia kvatarantki było ŭstanoŭlena, što z kvatery vykradzieny dva noŭtbuki, załatyja juvielirnyja ŭpryhažeńni, 200 jeŭra i 200 dołaraŭ.
U chodzie apieratyŭna-vyšukovych mierapryjemstvaŭ vyśvietliłasia, što napiaredadni zdareńnia paciarpiełaja paznajomiłasia na adnym z rasijskich sajtaŭ z maładym čałaviekam, jakoha zaprasiła ŭ hości. Znajomy nazvaŭsia čužym imiem. Adnak pry sudziejańni kaleh z Rasii na praciahu sutak jaho asoba była ŭstanoŭlena. Paźniej było ŭstanoŭlena i jaho miescaznachodžańnie.
Padazrony va ŭčynieńni zabojstva minčuk byŭ zatrymany ŭ kvatery sužycielki. Tut ža byli znojdzieny i vykradzienyja rečy.
Zatrymany nidzie nie pracuje, raniej sudzimy za rabavańnie, razboj, asabliva złosnaje chulihanstva.
Raspačata sprava pa p. 12 č. 2 art. 139 KK (zabojstva z karyślivych mierkavańniaŭ).
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary