Pra heta paviedamili ŭ hałoŭnym upraŭleńni spažyvieckaha rynku Minharvykankama.
Tak, 2 maja ŭ Minsku projdzie «Adziny dzień skidak», u čas jakoha niecharčovyja tavary ŭ mnohich mahazinach patańniejuć na 15-20 pracentaŭ. Napiaredadni Dnia Pieramohi kožnaje handlovaje pradpryjemstva horada prapanuje indyvidualnuju sistemu skidak. Naprykład, CUM i ŭniviermah «Biełaruś» pradastaviać 15-pracentnyja skidki na ŭsie niecharčovyja tavary vieteranam VAV i pryraŭnavanym da ich asobam z 1 pa 15 maja. HUM praviadzie akcyju «Ščodryja dni ŭ HUMie da Dnia Pieramohi» 7 i 8 maja, padaryŭšy svaim pakupnikam skidku ŭ pamiery 15 pracentaŭ na niecharčovyja tavary i 5 pracentaŭ — na charčovyja. Handlovy dom «Na Niamizie» ŭručyć kožnamu vieteranu VAV dyskontnuju kartku. Tavary pa śpiecyjalnych cenach i ŭ rasterminoŭku ŭ mai buduć pradavać roznyja sietkavyja mahaziny.
Akcyi z pradastaŭleńniem skidak u mai praviaduć AAT «KKCH «Haryzont» (5-10 pracentaŭ na bytavuju techniku), ZAT «Atłant» (10 pracentaŭ), AAT «Elektraaparatura» (5-10 pracentaŭ), AAT «Minski miechaničny zavod imia S.I.Vaviłava» KKCH BiełOMA (6-10 pracentaŭ), HUP «Kieramin-Stalica» akaža adrasnuju dapamohu vieteranam, a taksama źnizić ceny na 10 pracentaŭ. Adpusknyja ceny na pradukcyju ŭ majskija śviaty na 5-30 pracentaŭ upaduć i ŭ asobnych vytvorcaŭ tavaraŭ lohkaj pramysłovaści.
Napiaredadni śviatkavańnia 70-hodździa Pieramohi mnostva mierapryjemstvaŭ praviaduć vytvorcy charčovaj pramysłovaści. Tak, AAT «Minsk Kryštal», AAT «Biełryba», KUP «Minskchlebpram», AAT «Minski kambinat chlebapraduktaŭ», SAAT «Kamunarka», AAT «Kandytarskaja fabryka «Słodyč», AAT «Minski małočny zavod numar 1» vyrabiać i pastaviać u handlovuju sietku pradukcyju ź jubilejnaj simvolikaj. Akramia taho, u roźničnaj handlovaj sietcy i sietcy firmiennaha handlu buduć praviedzieny akcyi sa źnižeńniem cany i vystaŭki-dehustacyi pradukcyi.
Kamientary