Aściarožna z poštaj! Kradziež parolaŭ navučylisia maskiravać pad zvyčajnyja listy
Hladzicie, kudy ŭvodzicie vašyja paroli. Inačaj jany pierastanuć być tolki vašymi.
U apošni miesiac u Biełarusi aktyvizavałasia rassyłka listoŭ z zamaskiravanym kradziažom parolaŭ. «Pastanova suda», «Kvitancyja ad padatkovaj inśpiekcyi», «Harantyjny list» i inšyja na pieršy pohlad biaskryŭdnyja dakumienty na samoj spravie mohuć być tak zvanym fišynham.
Listy prychodziać jak minimum z mail.ru i gmail.ru (druhi nie źviazany z poštaj Google) na skryni pošty Google, gmail.com. Jany ŭtrymlivajuć spasyłku na dałučany dakumient. Sam dakumient biaskryŭdny, ale kab atrymać dostup da jaho, treba zdać svoj parol złamyśnikam.
Pry sprobie adkryć dałučany fajł vyśviecicca «identyčnaje naturalnamu» vakienca ŭvodu parola — poŭnaja kopija interfiejsu ŭvodu parola Google.
Kali tudy ŭvieści parol (luby — choć «1111»), adkryjecca fajł na Google Drive — sapraŭdnym schoviščy dakumientaŭ Google.
Karystalnik naŭrad ci zaŭvažyć padmienu, ale jaho parol užo budzie ŭ rukach złamyśnikaŭ. A razam z parolem ad pošty złamyśnik atrymaje dostup da zarehistravanych na ŭzłamanuju skryniu sacsietak, a toje i bankaŭskich kartak.
Adziny sposab paźbiehnuć uzłomu — uvažliva hladzieć na adrasny radok. Sapraŭdnaja pošta Google raźmieščanaja na adrasie mail.google.com albo inbox.google.com, vakno ŭvodu parola — na accounts.google.com. Inšyja adrasy kštałtu mail-google.com, gmail.ru ci googte.com — padrobki.
Padobnym sposabam, viadomym jak fišynh, nie tak daŭno vyciahvali paroli ad sacsietak. Naprykład, «UKantakcie» prychodziła paviedamleńnie sa spasyłkaj na vkontakle.ru (źviarnicie ŭvahu na adroźnieńnie ad vkontakte.ru). U vaknie, identyčnym vaknu «UKantakcie», karystalnika prasili znoŭ uvieści śvij parol, paśla čaho jon dastavaŭsia złamyśnikam.
Takim ža čynam mohuć kraści paroli ad lubych inšych papularnych servisaŭ — «Jandeks», Facebook, choć Tut.by. Pry luboj prośbie ŭvieści parol uvažliva hladzicie, ci nie ŭvodzicie vy jaho na sajt-falšyŭku.
Dadatkova abaranić siabie ad kradziažu parolaŭ možna z dapamohaj tak zvanaj dvuchfaktarnaj albo dvuchetapnaj aŭtentyfikacyi — kali akramia parolu pry ŭvachodzie ź niezvyčajnaha miesca ŭ vas paprosiać uvieści adnarazovy kod, što vysyłajecca vam praz SMS. Uklučyć takuju funkcyju možna na praktyčna lubym servisie ŭ raździełach naładaŭ «Biaśpieka» albo «Akaŭnt».
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary