Ministr Žuraŭkoŭ ličyć narmalnaj praktyku zboru hrošaj u škołach
Ministr adukacyi Michaił Žuraŭkoŭ taksama zdavaŭ hrošy na patreby himnazii svajho syna. Letaś jon razam ź inšymi baćkami zamianiŭ vokny ŭ kłasnaj aŭdytoryi. U minułym i pazaminułym — udzielničaŭ u pabiełcy stoli. Pra heta Michaił Žuraŭkoŭ raspavioŭ u efiry prahramy «Tydzień» na STB.
Adkazvajučy na pytańnie viadučaha, ci źjaŭlajecca bukiet na dzień naradžeńnia nastaŭnika karupcyjaj, ministr adkazaŭ:
— Ja b usio ž taki nie dzialiŭ tak: voś heta biełaje, a voś heta čornaje. Kali vučań prynosić na dzień naradžeńnia — heta adno. Inšaje, u škole, u kožnym kłasie jość apiakunskaja rada. I apiakunskaja rada pavinna vyrašać, što ŭ hetaj škole adramantavać, zakupić, kamu padaryć i hetak dalej.
Ministr ličyć, što zbor hrošaj apiakunskaj radzie — narmalnaja praktyka. A kali dachodzić da krajnaściaŭ, zaležyć ad asoby nastaŭnika i dyrektara.
— Kali dyrektar pryncypovy, narmalny, to jaho ŭzajemaadnosiny z apiakunskaj radaj narmalnyja. Praktyka apiakunskich radaŭ isnuje va ŭsim śviecie. I ja pa-dobramu zajzdrošču, u asablivaści, vyšejšym ustanovam krain, u jakich jość śpiecyjalnyja apiakunskija fondy. Tam vielizarnyja hrošy. Inšaja sprava, kudy tracić usie hrošy, vyrašajecca sumiesna.
U minułym hodzie Michaił Žuraŭkoŭ i inšyja baćki sabralisia i pamianiali ŭ kłasnaj aŭdytoryi himnazii vokny.
— Pastavili płastykavyja pakiety dla taho, kab nie było skraźniakoŭ i našy dzieci nie chvareli. Ja liču, heta całkam narmalna. My vyrašyli kalehijalna. U minułym hodzie i ŭ pazaminułym ja prychodziŭ, i my bialili stol, taksama ŭ kłasnaj aŭdytoryi. Ničoha ŭ hetym drennaha nie baču. Heta narmalna. Hałoŭnaje, kab usio było pa žadańni.
Apytanka
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB38
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary