Ukaz № 235 «Ab sacyjalna-ekanamičnym raźvićci paŭdniova-ŭschodniaha rehijona Mahiloŭskaj vobłaści» padpisaŭ 8 červienia Alaksandr Łukašenka.
Pavodle źviestak pres-słužby prezidenta, dakumient pryniaty «ŭ metach ustojlivaha raźvićcia Klimavickaha, Kaściukovickaha, Krasnapolskaha, Kryčaŭskaha, Słaŭharadskaha, Chocimskaha i Čerykaŭskaha rajonaŭ». Dla hetaha ŭkaz praduhledžvaje stvareńnie «nieabchodnych umoŭ» i davańnie «niekatorych prefierencyj».
Fizičnym asobam dajecca lhota pa vypłacie padachodnaha padatku. Ustanaŭlivajecca staŭka ŭ pamiery 10% z dachodaŭ u vyhladzie apłaty pracy, atrymanych pa pracoŭnych dahavorach (kantraktach) ad arhanizacyj i indyvidualnych pradprymalnikaŭ, jakija zarehistravanyja na paŭdniovym uschodzie Mahiloŭskaj vobłaści z 1 lipienia 2015 hoda pa 31 śniežnia 2020 hoda i zajmajucca tut vytvorčaściu tavaraŭ (vykanańniem rabot, akazańniem pasłuh) na praciahu siami hadoŭ z pačatku takoj dziejnaści.
Najmalnikam i kamiercyjnym arhanizacyjam, jakija zarehistravanyja na terytoryi paŭdniova-ŭschodnich rajonaŭ Mahiloŭskaj vobłaści z 1 lipienia 2015 hoda pa 31 śniežnia 2020 hoda i na praciahu siami hadoŭ zajmajucca tut vytvorčaściu tavaraŭ (vykanańniem rabot, akazańniem pasłuh), ukazam praduhledžanyja lhoty pa abaviazkovych strachavych uznosach pa strachavańni vypadkaŭ dasiahnieńnia piensijnaha ŭzrostu, invalidnaści i straty karmilca (piensijnaje strachavańnie) u biudžet dziaržaŭnaha pazabiudžetnaha Fondu sacyjalnaj abarony nasielnictva. Takija strachavyja ŭznosy ŭstanaŭlivajucca ŭ pamiery 24%.
Hramadzianie, jakija buduć budavać (rekanstrujavać) abo nabyvać žyłyja pamiaškańni ŭ nasielenych punktach paŭdniova-ŭschodnich rajonaŭ Mahiloŭskaj vobłaści, zmohuć atrymlivać na heta lhotnyja kredyty terminam da 20 hadoŭ pad 1% hadavych. Pry hetym nieabchodna ažyćciaŭlać pracoŭnuju dziejnaść na terytoryi rehijona nie mienš jak 10 hadoŭ z momantu atrymańnia takich kredytaŭ.
Ukazam taksama praduhledžana, što Mahiloŭski abłasny saviet deputataŭ da 1 žniŭnia 2015 hoda zaćvierdzić prahramu sacyjalna-ekanamičnaha raźvićcia paŭdniova-ŭschodniaha rehijona Mahiloŭskaj vobłaści na pieryjad da 2020 hoda, raspracavanuju Mahiloŭskim abłvykankamam ŭ metach vykanańnia daručeńnia Łukašenki. Dakumientam zapłanavanyja mierapryjemstvy pa stvareńni novych i pavyšeńni efiektyŭnaści dziejnych vytvorčaściaŭ va ŭsich halinach ekanomiki, u tym liku aryjentavanych na pierapracoŭku miascovych pryrodnych resursaŭ i sielskahaspadarčaj syraviny. Ahulny abjom finansavańnia mierapryjemstvaŭ prahramy składaje 2 trłn 520,8 młrd rubloŭ.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary