Biełaruskija kłasy ŭ Hrodnie: infarmacyja pra zakryćcio niekarektnaja, nasamreč užo dźvie škoły nabrali pieršyja biełaruskamoŭnyja kłasy
Na sajcie radyjo «Racyja» źjaviłasia infarmacyja pra toje, što ŭ Hrodnie nie zastałosia nivodnaha biełaruskaha kłasu. «Naša Niva» vyrašyła pravieryć ci tak heta nasamreč.
Havorka ŭ publikacyi radyjo «Racyja» išła pra pieravod biełaruskamoŭnych vučniaŭ u kłasy z ruskaj movaj navučańnia. My patelefanavali u 32-ju i 34-ju škoły Hrodna i pasprabavali vyśvietlić, ci tak heta nasamreč.
Namieśnica dyrektara pa vučebnaj pracy 34-j škoły paviedamiła, što tolki ŭ čaćviortym i piatym kłasie vučniaŭ abjadnoŭvajuć z ruskamoŭnymi kłasami. «Ale tolki pa niekalkich pradmietach — pracoŭnaje navučańnie, fizkultura i biełaruskaja mova».
Pa pieršych pradmietach niama mahčymaści arhanizavać navučańnie na movie, a pa samoj movie — niama roźnicy ŭ prahramie.
Statystyka biełaruskamoŭnych kłasaŭ 34-j škoły:
- 1 «D» kłas — 4 vučni
- 2 «Je» kłas — 4 vučni
- 3 kłas — 4 vučni navučajucca razam z ruskamoŭnym kłasam, ale asnoŭnyja pradmiety vykładajucca im pa-biełarusku
- 5 kłas — 3 čałavieki
U 32-j škole nam paviedamili, što ŭ 1-y kłas ź biełaruskaj movaj navučańnia jany nabrali 5 čałaviek.
My patelefanavali i načalniku haradskoha adździeła adukacyi Siarhieju Łamieka dla ŭdakładnieńnia infarmacyi. «Tak, sapraŭdy ŭ 1-m kłasie 32-j himnazii vučycca 5 čałaviek, i, nakolki ja pamiataju, u 2-m kłasie vučycca 9 čałaviek. U 4-m i 6-m kłasie vučycca pa adnym čałavieku u kłasie z ruskaj movaj navučańnia, ale asnoŭnyja pradmiety vykładajucca im pa-biełarusku».
Taksama Siarhiej Vasiljevič dadaŭ, što, akramia dźviuch nazvanych škoł, u 7-j himnazii pa-biełarusku vučycca 1 čałaviek, a ŭ 10 himnazii — 3 čałavieki.
Nasamreč, heta prahres, a nie rehres. Jašče 6 hadoŭ tamu nabor u biełaruskamoŭnyja kłasy ŭ Hrodnie zusim nie išoŭ. Ciapier ža raście kolkaść baćkoŭ, jakija vybirajuć dzieciam biełaruskuju movu navučańnia.
Nahadajem, što za apošniaje dziesiacihodździe nievialičkija asiarodki biełaruskamoŭnaha školnictva źjavilisia taksama ŭ Breście, Baranavičach, Mahilovie. Tam jany trymajucca na entuzijaźmie baćkoŭ i dziaciej. U toj ža čas u Minsku voś užo dziasiatak hadoŭ paśpiachova dziejničaje 8 biełaruskamoŭnych himnazij i škoł, a ŭ Barysavie — biełaruskamoŭnaja himnazija.
Čytajcie jašče: Biełaruskamoŭnyja škoły i kłasy Minska dy inšych haradoŭ
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ19
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary