Aŭtar «Našaj Nivy», kandydat histaryčnych navuk Dzianis Marcinovič staŭ uładalnikam Pieršaj nacyjanalnaj litaraturnaj premii. Premija prysudžana ŭ naminacyi «Najlepšy krytyčny tvor» za knihu «Žančyny ŭ žyćci Uładzimira Karatkieviča».
Naminanty Pieršaj nacyjanalnaj litaraturnaj premii byli nazvany na cyrymonii adkryćcia XXII Dnia biełaruskaha piśmienstva ŭ Ščučynie, paviedamlaje BiełTA.
Šeść aŭtaraŭ stali naminantami premii, choć konkurs byŭ abjaŭleny pa siami naminacyjach. Naminacyja «Debiut» nie znajšła svajho pieramožca. Usiaho na konkurs było zajaŭlena 45 rabot.
U naminacyi «Najlepšy tvor paezii» uładalnikam premii stała aktyvistka aficyjnaha Sajuza piśmieńnikaŭ Tamara Krasnova-Husačenka za knihu «Sustreča».
Uładzimir Sałamacha z knihaj «I niama šlachu čužoha» nazvany najlepšym u naminacyi «Najlepšy tvor prozy».
Najlepšym tvoram dramaturhii nazvany cykł scenaryjaŭ dla pieradač «Zvarotny adlik» (ANT) biełaruskaha scenarysta, prazaika, łaŭreata značnych premij, kandydata histaryčnych navuk Natalli Hołubievaj.
U naminacyi «Najlepšy tvor publicystyki» premija prysudžana Michaiłu Šymanskamu za knihu narysaŭ «My hetaj pamiaci viernyja».
Nazvany najlepšy dziciačy aŭtar. U naminacyi «Najlepšy tvor dla dziaciej i junactva» premija prysudžana Hańnie Skaržynskaj-Savickaj za knihu kazak «Nadziejka-čaradziejka».
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary