U Ministerstva justycyi padadzieny dakumenty na rehistracyju Pravaabaronča‑aśvietnickaha hramadzkaha abjadnańnia «Ruch «Za Svabodu». Heta ŭžo treciaja sproba rehistracyi abjadnańnia.
U Ministerstva justycyi padadzieny dakumienty na rehistracyju Pravaabaronča‑aśvietnickaha hramadskaha abjadnańnia «Ruch «Za Svabodu». Heta ŭžo treciaja sproba rehistracyi abjadnańnia.
Rašeńnie ab stvareńni abjadnańnia było pryniataje na Ŭstanoŭčaj Kanfierencyi 11 lutaha ŭ Mahilovie. U jakaści zasnavalnikaŭ arhanizacyi prysutničała 72 čałavieki z usich rehijonaŭ Biełarusi. Na kanfierencyi byŭ pryniaty statut, abranyja kirujučyja orhany i revizijnaja kamisija. U Statucie hramadskaha abjadnańnia paznačana, što «Ruch «Za Svabodu» budzie zajmacca abaronaj hramadzianskich i palityčnych pravoŭ i svabodaŭ u Biełarusi, aśvietaj hramadzianaŭ. Kiraŭnikom PAHA «Ruch «Za Svabodu» abrany Alaksandr Milinkievič. Namieśnikami kiraŭnika stali Viktar Karniajenka i Juraś Hubarevič. U Radu hramadskaha abjadnańnia ŭvajšli pradstaŭniki ŭsich abłaściej krainy.
Udzielniki ŭstanoŭčaha schodu vyrašyli, što hałoŭnymi kirunkami dziejnaści arhanizacyi źjaŭlajecca abarona pravoŭ i svabodaŭ hramadzian, udzieł u pabudovie hramadzianskaj supolnaści, sadziejničańnie zabieśpiačeńniu niezaležnaści i suvierenitetu, stvareńnie ŭmovaŭ dla praviadzieńnia svabodnych i demakratyčnych vybaraŭ.
Nahadajem, što Ministerstva justycyi dvojčy admoviła ŭ rehistracyi Respublikanskaha pravaabarončaha hramadskaha abjadnańnia «Ruch «Za Svabodu». Viarchoŭny Sud pakidaŭ skarhi zasnavalnikaŭ Ruchu na rašeńni Ministerstva justycyi biez zadavalnieńnia.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary