Alaksandr Łukašenka kanstatuje pačatak pieradziełu śvietu. Na hety fakt jon źviarnuŭ uvahu, adkazvajučy na pytańni pradstaŭnikoŭ pracoŭnych kalektyvaŭ i žycharoŭ Minskaha rajona padčas naviedvańnia novaha ŭčastka druhoj Minskaj kalcavoj aŭtadarohi.
«Mocnyja hetaha śvietu sprabujuć pieradzialić śviet, — skazaŭ biełaruski lidar. — Taja kraina, jakaja siońnia manapolna vałodaje usim śvietam, jana samaja mahutnaja i ŭ ekanomicy, i ŭ vajennym dačynieńni choča ŭtrymać śviet takim, jaki jon jość, nie dapuścić šmatpalarnaści. I razharnułasia baraćba».
Pavodle słoŭ Łukašenki, pačałosia ŭsio sa sproby vybudavać šmatpalarny śviet. Alaksandr Łukašenka padkreśliŭ, što Biełaruś źjaŭlajecca prychilnikam šmatpalarnaj śvietabudovy. Jon adznačyŭ, što daŭno kazaŭ pra toje, što nie budzie stabilnaści, kali śviet nie budzie abapiracca na niekalki apor.
«Bo na adnoj apory monapalarny śviet nie ŭstojlivy, jon u luby momant abryniecca. Treba dadatkovaja apora. Takoj dadatkovaj aporaj byŭ Saviecki Sajuz, jon supraćstajaŭ Złučanym Štatam, i jany uraŭnavažvali adzin adnaho», — dadaŭ kiraŭnik biełaruskaj dziaržavy.
«Pačaŭsia pieradzieł śvietu, i voś u hetaj situacyi nam treba nabracca mudraści i ciarpieńnia, kab vystajać, — padkreśliŭ jon. — Nam treba ŭtrymać krainu, zachavać».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary