Trejler śpiecyjalnaha, «kaladnaha» epizoda sieryjała «Šerłak» apublikavała telekampanija BBC One. Śpiecvypusk budzie pakazany ŭ kancy hoda. Praciahłaść rolika — paŭtary chviliny.
Siužet, u adroźnieńnie ad astatniaha sieryjała, pryśviečany nie našym dniam, a viktaryjanskaj eposie. Padziei, jak i ŭ kłasičnaj viersii tvoraŭ Artura Konana Dojla, raźvivajucca ŭ Łondanie ŭ kancy XIX st.
U pačatku žniŭnia pradziusar franšyzy Styvien Mofat paviedamiŭ, što ŭ «kaladnym» vypusku sieryjała «Šerłak» brytanskamu detektyvu pryjdziecca rasśledavać spravu, źviazanuju z pryvidami. U epizodzie, jaki papiaredničaje čaćviortamu siezonu sieryjała, hałoŭnyja roli, jak i raniej, hrajuć Bieniedykt Kambierbetč i Marcin Fryman.
«Šerłak Chołms nabudzie maniery viktaryjanskaha džentlmiena, jakimi jon nie vałodaje ŭ našy dni. Piersanaž budzie mienš dziorzkim. Ja b skazaŭ, što hety Šerłak trochi bolš hlancavy», — adznačyŭ Mofat.
Data vychadu «kaladnaha» epizodu na teleekrany jašče nie abvieščanaja.
Zdymki čaćviortaha siezona, dziejańnie ŭ jakim znoŭ budzie adbyvacca ŭ sučasnym śviecie, zapłanavanyja na pieršuju pałovu 2016 hoda.
Pieršaja sieryja «Šerłaka» vyjšła na kanale BBC u 2010 hodzie. Novaje pračytańnie historyi pra znakamitaha syščyka chutka nabyło suśvietnuju papularnaść.
-
U Biełarusi nijak nie mohuć pakazać suśvietny chit — daviałosia viartać hrošy za kvitki
-
U rasijskaj franšyzie pra chałopaŭ vyjšaŭ novy film — jaho hladziać i ŭ Biełarusi
-
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ57
Kamientary