Łukašenka pryhraziŭ apazicyi: «Vybary zakančvajucca siońnia ŭ 20 hadzin». «Ja viedaju ŭsich apazicyjanieraŭ, ich 400 čałaviek z 10 miljonaŭ»
Alaksandr Łukašenka ŭziaŭ udzieł u hałasavańni na vybarčym učastku № 1 Centralnaha rajona Minska. Razmaŭlajučy z žurnalistami, dziejučy prezident zaklikaŭ apazycyju «žyć pa zakonie».
«Navat kali jany ŭčora ŭ parušeńnie našych zakonaŭ vyjšli — tam nie było nivodnaha milicyjanta. Ja žorstka zapatrabavaŭ — nie čapajcie nikoha da vybaraŭ. Vybary zakančvajucca siońnia ŭ 20 hadzin. Ja papiaredžvaju — pačynajcie žyć pa zakonie!», — ckazaŭ jon.
Jon taksama adznačyŭ, što viedaje ŭsich apazicyjanieraŭ, «ich 400 čałaviek z 10 miljonaŭ».
«Jašče raz papiaredžvaju — vybary zakančvajucca ŭ 20 hadzin. Vykonvajcie zakon», — pryhraziŭ jon.
Łukašenka taksama nahadaŭ, što ŭ apazicyi jość miescy, dzie im nie zabaroniena źbiracca. Jon paabiacaŭ hranty ŭ apazicyi nie adbirać, ale narodu raspaviadać, adkul hrošy.
Łukašenka taksama zakranuŭ temu sankcyjaŭ, padkreśliŭšy, što jany «nie suprać Łukašenki, a suprać Biełarusi».
«Pra sankcyi — radujciesia, kali zdymuć sankcyi — jany pierakanalisia, što sankcyi na škodu, a Biełaruś — prystojnaja dziaržava!», — zajaviŭ jon žurnalistam.
Havoračy ab vybarach, Alaksandr Łukašenka nahadaŭ, što za jaho zaŭsiody byli «dźvie traciny nasielnictva».
«Drenna budzie, kali mienš za mianie prahałasujuć, čym u minuły raz. Značyć, ludzi advaročvajucca. Vynik vielmi važny — pieravažnaja heta padtrymka ci nie», — padsumavaŭ jon.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary