Stopracentnaja jaŭka - užo a 10.40 ranicy. Takaja vybarčaja aktyŭnaść na prezidenckich vybarach była zafiksavana siońnia na zakrytym učastku № 16 u druhim staličnym radzilnym domie na vulicy Bielskaha. Da poŭdnia tut byli padličany biuleteni i padviedzieny vyniki.
Daterminovaha hałasavańnia ŭ balnicy nie było. Pacyjenty druhoha radzilni mahli zrabić svoj vybar tolki 11 kastryčnika.
U kalidory na druhim paviersie byŭ arhanizavany stacyjanarny ŭčastak. Ale za try z pałovaj hadziny hałasavańnia na jaho nichto tak i nie pryjšoŭ. Čatyry naziralniki ad praŭładnych hramadskich arhanizacyj i partyj uvieś hety čas prosta nazirali, jak kamisija siadzić za stałom.
Budučyja mamy mahli prahałasavać i nie vychodziačy z pałaty: pa balnicy puścili pieranosnuju skryniu. Tak i zrabili ŭsie 182 miascovyja vybarščyki. tych, chto ŭstrymaŭsia, nie było.
U vybarčy abychod pa radzilni vypraviłasia dva siabry kamisii i adzin naziralnik ad prafsajuza miedycynskich rabotnikaŭ. Inšych kantraloraŭ i presu ŭ pałaty nie puścili. Staršynia i pa sumiaščalnictvie namieśnik hałoŭnaha lekara radzilni № 2 Siarhiej Vasiljeŭ rastłumačyŭ heta kłopatam pra zdaroŭje svaich pacyjentaŭ i sanitarnymi patrabavańniami. Tamu daviedacca, jakuju budučyniu vybirajuć dla svaich dziaciej maładyja mamy, akazałasia niemahčyma.
Užo da 10.40 ranicy hałasavańnie na zakrytym učastku zaviaršyłasia. Na vačach va ŭsich piaci naziralnikaŭ členy kamisii vyjavili skryniu i pačali padlik biuleteniaŭ.
Lideram tut staŭ Alaksandr Łukašenka. Za jaho pastavili «hałačku» 119 vybarščykaŭ (65,7%). Na druhim miescy - Taćciana Karatkievič. Za jaje addali svoj hołas 28 budučych mam (15,5%). Siarhiej Hajdukievič z vynikaŭ u 8 hałasoŭ (4,4%) apynuŭsia na trecim miescy. Kandydaturu Mikałaja Ułachoviča padtrymali ŭsiaho 2 vybarščyka (1,1%). Suprać usich prahałasavała 24 čałavieki (13,3%). Adzin biuleteń pryznany niesapraŭdnym: vybarščyk pastaviŭ adznaku adrazu nasuprać dvuch pretendentaŭ na pasadu kiraŭnika dziaržavy.
U naziralnikaŭ pretenzij da chady hałasavańnia nie było.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary