Inšyja jaho klijenty, zastaŭšysia biez kvatery, ciškom pierasialilisia ŭ viosku.
U Babrujsku vystaŭlena abvinavačańnie byłomu supracoŭniku ryełtarskaj firmy. Pavodle dadzienych śledztva, jon nieaficyjna aformiŭ na siabie davieranaść na kvateru svajho nieaficyjnaha klijenta, a kab nie dzialicca atrymanymi za prodaž kvatery hrašyma, zabiŭ uładalnika kvatery.
Sarakapiacihadovaha žychara Babrujsku šukali z vosieni, a znajšli niežyvym u lesie, z trynaccaćciu nažavymi ranami. Jość padstavy mierkavać, što taki finał staŭsia vynikam zališniaj davierlivaści. Pry žyćci mužčyna byŭ uładalnikam trochpakajovaj kvatery ŭ Babrujsku j vyrašyŭ jaje pradać.
«Pa paradzie znajomych jon źviarnuŭsia da našaha ŭžo abvinavačanaha, jaki pracavaŭ u ahienctvie pa aperacyjach ź nieruchomaściu», — kaža Alaksandar Radkievič, staršy śledčy pa najvažniejšych spravach prakuratury Mahiloŭskaj vobłaści.
32‑hadovy abvinavačany admaŭlaje svaju datyčnaść da zabojstva. Śviedki ćvierdziać, što ryełtera i klijenta źviazvali nia tolki spravavyja adnosiny. Ich bačyli razam za raśpićciom śpirtnych napojaŭ.
Pretenzii da abvinavačanana ŭ zabojstvie ŭžo vystaviła jašče adna siamja z Babrujsku. Jany zajaŭlajuć, što vypisali ryełteru davieranaść na dźvie kvatery — i atrymali chacinku ŭ lesie. Ź dziravym dacham.
Ciapier śledztva pravodzić pravierki ŭ sielskaj miascovaści na pradmiet, ci niama siarod tych, chto niadaŭna pierajechaŭ u vioski, klijentaŭ abvinavačanaha.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary