Kali havorka pajšła pra Ŭkrainu, Pucin vybuchnuŭ. Źviartajučysia da Buša, jon skazaŭ: «Ty ž razumieješ, Džordž, što Ŭkraina — heta navat nie dziaržava! Što takoje Ŭkraina? Častka jaje terytoryj — heta Ŭschodniaja Eŭropa, a častka, i značnaja, padaravanaja nami!».
Pucin namiaknuŭ, što ŭ vypadku ŭstupleńnia ŭ aljans Ukraina moža pierapynić isnavańnie jak adzinaja dziaržava.
Pucin paviedamiŭ, što Maskva ŭsprymaje nabližeńnie NATO da rasiejskich miežaŭ jak realnuju pahrozu intaresam dziaržavy i paabiacaŭ zrabić adekvatnyja zachady. Prezydent Rasiei namiaknuŭ, što kali NATO vydaść plan dziejańniaŭ pa ŭvachodžańni ŭ siabry NATO Hruzii, to Rasieja pryznaje Abchaziju i Paŭdniovuju Asieciju, abapirajučysia na kosaŭski precedent, i hetak stvoryć bufernuju zonu pamiž siłami NATO i svaimi miežami.
«Zrešty, pra Hruziju rasiejski prezydent havaryŭ całkam spakojna i nibyta miž inšaha. Kali havorka pajšła pra Ŭkrainu, Pucin vybuchnuŭ. Źviartajučysia da Buša, jon skazaŭ: «Ty ž razumieješ, Džordž, što Ŭkraina — heta navat nie dziaržava! Što takoje Ŭkraina? Častka jaje terytoryj — heta Ŭschodniaja Eŭropa, a častka, i značnaja, padaravanaja nami!» — zajaviła krynica.
I tut Pucin zaŭvažyŭ, što kali Ŭkrainu i prymuć usio ž taki ŭ NATO, hetaja dziaržava prosta spynić svajo isnavańnie. To bok, faktyčna, jon prystrašyŭ, što Rasieja moža pačać adasableńnie Krymu i Ŭschodniaj Ukrainy», — dadała krynica hazety.
Jak paviedamlałasia, pierad žurnalistami Pucin nazvaŭ pašyreńnie NATO, što ŭsio jašče praciahvajecca, prajavaj staroj lohiki, jakaja ŭ sučasnych varunkach stała nieaktualnaj.
Nahadajem, vice‑śpikier Dziarždumy Ŭładzimier Žyrynoŭski, kamentujučy mahčymaje ŭstupleńnie Ŭkrainy ŭ NATO, zajaviŭ, što kali b jon byŭ prezydentam, to zrabiŭ by samyja žorstkija preventyŭnyja zachady i damohsia by raskołu Ŭkrainy.
3 krasavika na samicie ŭ Buchareście siabry NATO pieranieśli pryniaćcie kančatkovaha rašeńnia pra dałučeńnie Ŭkrainy da Planu dziejańniaŭ pa ŭvachodžańni ŭ siabry arhanizacyi na śniežań 2008 hodu. Razam z tym, u rezalucyi samitu NATO havorycca, što Aljans harantuje pryjom Ukrainy ŭ skład NATO.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary