Letaś pra Viktara Drobyša daviedalisia navat tyja biełarusy, jakija pra jaho nikoli dahetul nie čuli. Sprava ŭ tym, što na svaim kancercie ŭ Minsku jon atrymaŭ z ruk Łukašenki hanarovy biełaruski orden Francyska Skaryny za vysoki ŭzrovień tvorčaści, značny asabisty ŭkład u raźvićcio i ŭmacavańnie biełaruska-rasijskich kulturnych suviaziaŭ.
IVAN, Caša Ivanoŭ, Alaksandr Ivanoŭ — heta adzin i toj ža čałaviek. 21 hod, rodam z Homiela. U dziacinstvie skončyŭ muzyčnuju škołu imia Čajkoŭskaha pa kłasie hitary. Udzielnik šmatlikich rasijskich šoŭ — «5 zorak», «Hałoŭnaja scena» i h.d.
Na apošnim šou los źvioŭ jaho ź Viktaram Drobyšam. U niadaŭnim intervju z Alaksandram (heta jaho sapraŭdnaje imia) hazieta «Homielskija viedamaści» śćvierdziła, što prajekt Alaksandra Ivanova dla Viktara Drobyša siońnia źjaŭlajecca pryjarytetnym.
U intervju Alaksandr śćviardžaje, što mienavita kamanda Drobyša prapanavała jamu paŭdzielničać u adbory:
«My viarnulisia ź Minska, dzie na Minsk-Arenie prachodziŭ vialiki kancert Viktara Jakaŭleviča. Praz paru tydniaŭ pryjšoŭ adzin ź pijar-dyrektaraŭ i prapanavaŭ paŭdzielničać u biełaruskim adbory na «Jeŭrabačańnie», — uspaminaje Alaksandr. — Ja adrazu pačaŭ chvalavacca, bo na toj momant da zakančeńnia padačy dakumientaŭ zastavałasia paru tydniaŭ. A pieśni niama. Ale my znajšli kampazicyju, padali zajaŭku i vystupili na adboračnym tury».
Śpiavak vyrašyŭ abrać pieśniu «Help you fly», kab paspaborničać za pradstaŭleńnie Biełarusi na «Jeŭrabačańni».
Pavał Biełavus, adzin z zasnavalnikaŭ kulturnaj arhanizacyi «Art-Siadziba», u svaim fejsbuku vykazaŭ dumku na hety kont:
Zaŭtra ž u 22:00 na «Biełaruś 1» pačniecca anłajn-tranślacyja finału biełaruskaha adboru na «Jeŭrabačańnie». Kožny biełarus moža padtrymać svajho vystupoŭcu telefanavańniem ci adpraviŭšy SMS z patrebnym numaram.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary