Pamočnik prezidenta: Treba abo pavyšać piensijny ŭzrost, abo źmianšać siaredni zarobak
Pamočnik prezidenta — hałoŭny inśpiektar pa Minsku Alaksandr Jakabson ličyć, što ŭ krainie «sama situacyja vyśpiavaje dla pavyšeńnia piensijnaha ŭzrostu».
Pra heta jon zajaviŭ 10 lutaha na plenarnym pasiadžeńni I Forumu pracoŭnaj moładzi.
Pa słovach Jakabsona, u krainie pavialičvajecca siaredniaja praciahłaść žyćcia, źmianiajucca suadnosiny pracujučych i niepracujučych. «Na adnaho rabotnika siońnia stanovicca bolš niepracujučych»,— zaŭvažyŭ Alaksandr Jakabson.
U hetaj situacyi ŭ Biełarusi dva šlachi: «Kab utrymlivać bolšuju kolkaść piensijanieraŭ za košt isnujučych ramak piensijnaha fondu, nieabchodna abo pamienšyć siaredniuju zarpłatu z tym, kab u piensijnym fondzie byli adpaviednyja adličeńni, abo pavialičyć piensijny ŭzrost».
Alaksandr Jakabson vykazaŭ zdahadku, što pavieličeńnie piensijnaha ŭzrostu ŭ Biełarusi projdzie ŭ niekalki etapaŭ
«Heta nie budzie adnačasova - 60 i 65 hadoŭ. Budzie etapnaść. Ale hramadstva pavinna dać zhodu. Abjektyŭna hleba dla hetaha saśpieła», - zajaviŭ jon.
Jakabson taksama źviarnuŭ uvahu na toje, što siońnia ŭ śviecie zastajucca tolki adzinki krain, u jakich piensijny ŭzrost taki ž nizki, jak i ŭ Biełarusi.
Kamientary