Ułady Jeŭrasajuza damovilisia z Łondanam ab tym, što Vialikabrytanija zastaniecca ŭ składzie ES, paviedamiŭ u svaim mikrabłohu staršynia Jeŭrarady Donald Tusk.
Pavodle jaho słoŭ, pahadnieńnie było padtrymana adnahałosna.
Pieršaj ab dasiahnieńni damoŭlenaści napisała prezident Litvy Dala Hrybaŭskajcie.
«Pahadnieńnie #UKinEU [Vialikabrytanija ŭ ES] dasiahnutaje», — paviedamiła Hrybaŭskajcie ŭ svaim mikrabłohu.
Zatym infarmacyju paćvierdziŭ češski premjer-ministr Bahusłaŭ Sabotka, nazvaŭšy ździełku «hodnym kampramisam».
Premjer-ministr Vialikabrytanii Devid Kemieran paviedamiŭ, što damoviŭsia z Bruselem ab asablivym statusie Vialikabrytanii ŭ ES. Umovy ŭhody buduć pradstaŭlenyja kabinietu ministru paźniej, dadaŭ jon.
Kemieran patrabavaŭ ad ES reformaŭ i pahražaŭ vychadam krainy ź Jeŭrasajuza ŭ tym vypadku, kali jaho patrabavańni nie buduć pačutyja.
Brusiel arhanizavaŭ z Łondanam pieramovy, na jakich abmiarkoŭvalisia čatyry hałoŭnyja sprečnyja pytańni:
- Vyzvaleńnie Vialikabrytanii ad bolš ciesnaj intehracyi ź Jeŭrapiejskim sajuzam i nadańnie nacyjanalnym parłamientam bolš šyrokich paŭnamoctvaŭ.
- Abmiežavańnie dostupu mihrantaŭ ź ES da padatkovych ilhot i dapamoh.
- Abarona ŭnutranaha rynku krain, jakija nie ŭvachodziać u jeŭrazonu, u tym liku Vialikabrytanii.
- Pavyšeńnie kankurentazdolnaści.
Refierendum pa pytańni dalejšaha siabroŭstva Vialikabrytanii ŭ składzie ES płanujecca pravieści 23 červienia.
Kamientary