Siryjskaja apazicyja pahadziłasia zaklučyć z vojskami prezidenta Bašara Asada pieramirje na dva-try tydni pry ŭmovie, što Rasija spynić svaje avijaŭdary.
Najbolš sprečnym punktam hetaha patrabavańnia, jak pryznajuć sami apazicyjaniery, zastajecca spynieńnie bambavańniaŭ arhanizacyi «Front an-Nusra», jakaja afilavanaja z «Al-Kaidaj» i pryznanaja Radaj Biaśpieki AAN terarystyčnaj.
Jak paviedamlajuć infarmahienctvy, apazicyja taksama patrabuje źniać abłohu z padkantrolnych im nasielenych punktaŭ i pačać zabieśpiačeńnie nasielnictva humanitarnaj dapamohaj. Pry vykanańni hetych umoŭ apazicyjaniery hatovyja padpisać pieramirje.
Pry hetym Rasija raniej zajaŭlała, što moža praciahnuć nanosić avijaŭdary pa pazicyjach tych, kaho jana ličyć bajevikami, navat u vypadku zaklučeńnia pieramirja. Aficyjnaja pazicyja Maskvy z nahody apošnich patrabavańniaŭ apazicyi pakul nie abviaščałasia.
Pieramirje płanujecca padpisać na dva-try tydni, adnak zatym jaho mohuć praciahnuć. Udzielnikami pahadnieńnia buduć usie baki kanfliktu ŭ Siryi, akramia bajevikoŭ «Isłamskaj dziaržavy».
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary