Adzinaccacikłaśnik sa Słucka razvodziŭ školnic na aholenyja fota, a paśla šantažavaŭ
U Słucku vučań 11 kłasa trapiŭ pad kryminalnuju spravu za vyrab i raspaŭsiud parnahrafičnych materyjałaŭ z vyjavaj niepaŭnaletniaha. Chłopcu pahražaje ad troch da vaśmi hadoŭ pazbaŭleńnia voli.
Jak piša «Infa-Kurjer», adzinaccacikłaśnik zarehistravaŭsia ŭ sacyjalnaj sietcy «Vkontaktie» pad žanočym imiem: jon nazvaŭsia supracoŭnicaj madelnaha ahienctva, jakaja pracuje ŭ Minsku. Chłopiec naviedvaŭ staronki dziaŭčat, jakija vučylisia ŭ jaho škole, i kazaŭ, što šukaje novych supracoŭnicaŭ dla ahienctva. Jon prapanoŭvaŭ, kab jany dasyłali jamu fatazdymki ŭ kupalnikach, a to i ŭ aholenym vyhladzie. Kali zdymki spadabajucca, abiacaŭ jon, to im prapanujuć zdymacca dla časopisa za dobry hanarar — ad 10 000 da 15 000 dołaraŭ.
Potym chłopiec pačaŭ šantažavać dziaŭčat. Jon pahražaŭ raźmiaścić u internecie aholenyja fatahrafii, kab ich pabačyli ŭsie, u tym liku ich adnakłaśniki. Za admovu ad takoha namieru jon patrabavaŭ dasyłać jamu jašče bolš aholenych fatahrafijaŭ. Dajšło da taho, što niekatoryja dziaŭčaty masturbavali pierad kamieraj i dasyłali jamu videaroliki.
Šantaž spynili słuckija milicyjanty, jakija zaŭvažyli staronku školnika.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary