Jak paviedamiŭ telekanału Al Arabiya pradstaŭnik Siryjskaj absiervatoryi pa pravach čałavieka Rami Abduł Rachman, u vyniku avijaŭdaru aš-Šyšani, viadomy pa mianušcy Umar-Čačeniec, jaki adkazvaje za vajennyja apieracyi ŭ «Isłamskaj Dziaržavie», atrymaŭ ciažkaje ranieńnie i znachodzicca ŭ stanie kliničnaj śmierci.
Pa źviestkach telekanała, teraryst nie moža samastojna dychać i padłučany da śpiecyjalnaj aparatury. Jon znachodzicca ŭ špitali na ŭschodzie siryjskaj pravincyi Raka, dzie jaho sprabuje vyratavać zamiežny śpiecyjalist.
8 sakavika ahienctva Reuters sa spasyłkaj na krynicy ŭ ZŠA paviedamiła pra toje, što aš-Šyšani byŭ imavierna zabity ŭ vyniku avijaŭdaru, adnak paćvierdzić heta ŭ Vašynhtonie nie zmahli.
Paźniej pravaabaroncy paviedamili, što aš-Šyšani zastaŭsia žyvy, adnak ciažka paranieny. Pry hetym padrabiaznaściaŭ pra jaho stan nie paviedamlałasia.
Abu Umar aš-Šyšani — etničny čačeniec, sapraŭdnaje imia jakoha Tarchan Bacirašvili.
Pavodle źviestak amierykanskaha Instytuta Brukinhsa, Šyšani kiruje vajennymi apieracyjami ŭ Siryi, kudy jon pryjechaŭ u 2013 hodzie. Amierykanskija vajennyja nazyvajuć jaho «ministram vajny», adznačaje Reuters. ZŠA prapanavali za infarmacyju pra aš-Šyšani ŭznaharodžańnie da $5 młn.
U kastryčniku 2014 hoda ahienctva Bloomberg paviedamlała, što Abu Umar aš-Šyšani pryhraziŭ uvarvańniem ŭ Rasiju. Pa infarmacyi vydańnia, pra svaje namiery bajavik zajaviŭ u telefonnaj razmovie z baćkam, ale paźniej apošni zajaviŭ, što ŭžo daŭno nie mieŭ znosinaŭ z synam.
Raniej u ŚMI nieadnarazova źjaŭlałasia infarmacyja ab źniščeńni bajevika, ale jana zastavałasia niepaćvierdžanaj. Tak, u listapadzie 2014 hoda ab źniščeńni aš-Šyšani zajaŭlaŭ kiraŭnik Čačni Ramzan Kadyraŭ. Nijakich detalaŭ pra śmierć bajevika Kadyraŭ nie paviedamlaŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary