U Minsku płanujecca adkryć Jeŭrazijski ofis Suśvietnaj mietearałahičnaj arhanizacyi
U Minsku płanujecca adkryć Jeŭrazijski ofis Suśvietnaj mietearałahičnaj arhanizacyi (SMA), paviedamiła 21 sakavika na pres-kanfierencyi ŭ Minsku načalnik Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Maryja Hiermiančuk.
«Rašeńniem 17-ha kanhresa SMA, jaki prajšoŭ u mai—červieni minułaha hoda ŭ Ženievie, byli ŭchvalenyja namahańni našaj krainy, našaj dziaržaŭnaj hidramieteasłužby pa stvareńni ŭ Minsku Jeŭrazijskaj ofisa Suśvietnaj mietearałahičnaj arhanizacyi. Stvareńnie takoha ofisa — heta novaja praktyka dla dziejnaści SMA. Taki ofis maje na ŭvazie kansalidacyju namahańniaŭ roznych krain Jeŭra-Azijackaha rehijona dla acenki mahčymaściaŭ raźvićcia ekanomiki va ŭmovach źmianieńnia klimatu, zabieśpiačeńnie ŭzajemadziejańnia roznych nacyjanalnych hidramieteasłužbaŭ u rehijonie», — zaznačyła Hiermiančuk.
Pavodle jaje słoŭ, na hety momant da pracy ofisa zaprošanyja i vykazali zhodu krainy SND, u tym liku Ukraina, jakaja farmalna jašče ŭvachodzić u skład SND. Taksama vykazali zacikaŭlenaść Manholija i Izrail.
«Udzieł biełaruskaj hidramieteasłužby ŭ SMA dazvalaje farmavać u našaj krainie dyjałohavuju placoŭku dla pierśpiektyŭ pa palapšeńni raboty ekanomiki va ŭmovach źmienlivaha klimatu», — ličyć kiraŭnik Hidramieta.
Pavodle jaje słoŭ, «arhanizacyja pracy ofisa budzie prachodzić da nastupnaha kanhresa SMA». «Kankretnyja terminy adkryćcia zaležać ad rašeńnia SMA. My ŭžo raspačali hetuju dziejnaść», — skazała Hiermiančuk.
Suśvietnaja mietearałahičnaja arhanizacyja (SMA, World Meteorological Organization) — śpiecyjalizavanaja mižuradavaja ŭstanova AAN u halinie mietearałohii. Zasnavanaja ŭ 1950 hodzie. Źjaŭlajecca kampietentnym orhanam AAN pa pytańniach nazirańnia za stanam atmaśfiery Ziamli i jaje ŭzajemadziejańnia z akijanami. Štab-kvatera SMA znachodzicca ŭ Ženievie (Šviejcaryja). 23 sakavika, u dzień uvachodžańnia ŭ siłu kanviencyi ab zasnavańni SMA, adznačajecca Suśvietny mietearałahičny dzień.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary