У Мінску плануецца адкрыць Еўразійскі офіс Сусветнай метэаралагічнай арганізацыі
У Мінску плануецца адкрыць Еўразійскі офіс Сусветнай метэаралагічнай арганізацыі (СМА), паведаміла 21 сакавіка на прэс-канферэнцыі ў Мінску начальнік Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Марыя Гермянчук.
«Рашэннем 17-га кангрэса СМА, які прайшоў у маі—чэрвені мінулага года ў Жэневе, былі ўхваленыя намаганні нашай краіны, нашай дзяржаўнай гідраметэаслужбы па стварэнні ў Мінску Еўразійскай офіса Сусветнай метэаралагічнай арганізацыі. Стварэнне такога офіса — гэта новая практыка для дзейнасці СМА. Такі офіс мае на ўвазе кансалідацыю намаганняў розных краін Еўра-Азіяцкага рэгіёна для ацэнкі магчымасцяў развіцця эканомікі ва ўмовах змянення клімату, забеспячэнне ўзаемадзеяння розных нацыянальных гідраметэаслужбаў у рэгіёне», — зазначыла Гермянчук.
Паводле яе слоў, на гэты момант да працы офіса запрошаныя і выказалі згоду краіны СНД, у тым ліку Украіна, якая фармальна яшчэ ўваходзіць у склад СНД. Таксама выказалі зацікаўленасць Манголія і Ізраіль.
«Удзел беларускай гідраметэаслужбы ў СМА дазваляе фармаваць у нашай краіне дыялогавую пляцоўку для перспектыў па паляпшэнні работы эканомікі ва ўмовах зменлівага клімату», — лічыць кіраўнік Гідрамета.
Паводле яе слоў, «арганізацыя працы офіса будзе праходзіць да наступнага кангрэса СМА». «Канкрэтныя тэрміны адкрыцця залежаць ад рашэння СМА. Мы ўжо распачалі гэтую дзейнасць», — сказала Гермянчук.
Сусветная метэаралагічная арганізацыя (СМА, World Meteorological Organization) — спецыялізаваная міжурадавая ўстанова ААН у галіне метэаралогіі. Заснаваная ў 1950 годзе. З'яўляецца кампетэнтным органам ААН па пытаннях назірання за станам атмасферы Зямлі і яе ўзаемадзеяння з акіянамі. Штаб-кватэра СМА знаходзіцца ў Жэневе (Швейцарыя). 23 сакавіка, у дзень уваходжання ў сілу канвенцыі аб заснаванні СМА, адзначаецца Сусветны метэаралагічны дзень.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары