Pra heta paviedamlaje Centr navin AAN.
Les — heta załoh praćvitańnia čałaviectva, jon adyhryvaje važnuju rolu ŭ zabieśpiačeńni vodazabieśpiačeńnia na płaniecie i ŭ baraćbie sa źmianieńniem klimatu. A miž tym kožny hod ź Ziamli źnikaje 7 młn ha pryrodnych lasoŭ, 50 młn ha lasnych uhodździaŭ źviedvaje pažary, havorycca ŭ pasłańni Hienieralnaha sakratara AAN Pan Hi Muna z nahody Mižnarodnaha dnia lasoŭ.
Kiraŭnik AAN adznačyŭ, što žychary Durbana, Džakarty, Madryda, Ńju-Jorka, Rya-de-Žanejra i mnohich inšych bujnych haradoŭ atrymlivajuć značnuju dolu pitnoj vady ź lasnych rajonaŭ. Pa miery rostu kolkaści nasielnictva śvietu i rezkaha pavieličeńnia popytu na vadu ŭsio bolš nadzionnaj stanovicca zadača achovy lasoŭ jak krynicy vady. Da 2025 hoda amal 1,8 młrd čałaviek buduć žyć u rajonach, dzie budzie absalutny deficyt vady, a ŭ cełym prablema niachvatki vady moža zakranuć dźvie treci nasielnictva śvietu. Pan Hi Mun zajaviŭ, što inviestycyi ŭ les — heta strachoŭka dla našaj płaniety.
Siońnia Charčovaja i sielskahaspadarčaja arhanizacyja AAN (FAO) zapuściła novuju prahramu, nakiravanuju na pavyšeńnie roli lasoŭ u palapšeńni jakaści vady i vodazabieśpiačeńnia. Realizacyja hetaj prahramy pačniecca ŭ vaśmi krainach Zachodniaj Afryki: Hambii, Hviniei, Hviniei-Bisau, Mali, Maŭrytanii, Nihiery, Sieniehale, Śjera-Leone. Arhanizacyja budzie pracavać ź miascovymi arhanizacyjami ŭ metach pavyšeńnia ich daśviedčanaści ab ciesnaj uzajemasuviazi pamiž lesam i vadoj.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki23
Kamientary