Maŭludu vyklikali 22 krasavika da rektara BDEU Šymava. Parazmaŭlaŭšy sa studentkaju «jak z unučkaju», rektar pryniaŭ rašeńnie jaje nie vyklučać. Samu Maŭludu pierš za ŭsio paradavała studenckaja salidarnaść — za karotki termin na jaje karyść byli sabranyja la 150 podpisaŭ. Za aktyŭnuju hramadzkuju dziejnaść studentcy 3 kursu FVŠT pahražała adličeńnie.
17 sakavika adbyłosia pasiedžańnie admysłovaj kamisii pa pravavym vychavańni i prafilaktycy pravaparušeńniaŭ, dzie, aproč inšych, prysutničaŭ dekan Mikałaj Kabuškin i prarektar Siarhiej Šaŭruk. Kamisija pryniała rašeńnie prasić u rektara adličeńnia Maŭludy.
Siońnia, 22 krasavika, sa studentkaju sustreŭsia Ŭładzimier Šymaŭ. Ciaham amal hadziny jon abmiarkoŭvaŭ z Maŭludaju jejnuju dziejnaść, začytaŭ charaktarystyku:
«Ja była vielmi ździŭlenaja. Mnie padavałasia, što dekan dobra da mianie stavicca. A ŭ charaktarystycy było šmat niepryjemnaha, naprykład, što ja «razmaŭlaju cynična», — padzialiłasia z Generation.by Maŭluda.
Taksama rektar patłumačyŭ Maŭludzie, čamu jon vyklučyŭ u 2005 studentku FMEA Tacianu Chomu.
Chacia Atakułava budzie praciahvać navučańnie na fakultecie «Vyšejšaja škoła turyzmu», studenty ŭsio jašče źbirajuć podpisy na jejnuju karyść:
«Najpierš ja ŭdziačnaja studentam, jakija mianie padtrymali. Spadziajusia, nijakaha cisku z boku dekanataŭ na ich nia budzie. A pakul budu rychtavacca da sesii, adnak ad aktyŭnaj hramadzkaj dziejnaści ja nie admaŭlajusia».
Rektar Uładzimier Šymaŭ viadomy hučnym vyklučeńniem Taciany Chomy ŭ 2005 — tady ni studenckaja salidarnaść, ni mižnarodny rozhałas nie dapamahli. Taciana ŭvajšła ŭ Radu najbujniejšaj studenckaj arhanizacyi Eŭropy ESU — i praź niekalki dzion jaje vyklučyli z BDEU. Adnavić prava navučacca ŭ Ekanamičnym universytecie praz sud Tacianie nie ŭdałosia, i jana była zmušanaja źjechać navučacca ŭ Aŭstryju. Daviedaŭšysia, što sioleta Šymaŭ u jakaści byłoha ministra ekanomiki źbirajecca naviedać Vienu, tamtejšyja studenty padrychtavali akcyju pratestu. Upieršyniu rektrar byŭ vymušany publična apraŭdvacca, čamu była vyklučanaja Taciana Choma.
Fota — mfront.net
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary