Paŭnočnaja Kareja zajaviła ab praviadzieńni artyleryjskich vučeńniaŭ, jakija imitujuć napad na aficyjnuju rezidencyju paŭdniovakarejskaha prezidenta.
Za vučeńniami naziraŭ asabista lidar KNDR Kim Čen Yn, jaki zaklikaŭ vajskoŭcaŭ być hatovymi «biaźlitasna» źniščyć urad u Paŭdniovaj Karei.
«Artyleryjskija snarady palacieli, jak małanka, i mocna i jarasna ŭdaryli pa celach, jakija imitujuć Čchon Va De (paŭnočnakarejskaja nazva rezidencyi) i miaciežnyja kirujučyja orhany Sieuła», — havorycca ŭ paviedamleńni paŭnočnakarejskaha dziaržaŭnaha infarmahienctva.
Paŭdniovakarejski prezident Pak Kyn Chie ŭžo zahadała pryvieści vojska ŭ stan bajavoj hatoŭnaści.
U čaćvier jana zajaviła, što «nieaściarožnyja pravakacyi pryviaduć tolki da samarazbureńnia paŭnočnakarejskaha režymu».
Takija vučeńni mohuć być reakcyjaj Paŭnočnaj Karei na žorstkija sankcyi AAN, uviedzienyja ŭ adkaz na praviedzienaje Pchieńjanam jadziernaje vyprabavańnie i zapusk rakiety.
Hnieŭ Pchieńjana taksama jak zvyčajna vyklikali sumiesnyja vučeńni Paŭdniovaj Karei i ZŠA, jakija prachodzili na poŭdzień ad miažy dziaržaŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary